Titu 1:6 - Tedim Bible Revision 2017

⁶ Upate pen paubaanna a om lote hi dinga, zi khat bek nei-in, a tate zong thu um mi hi-in, a thumang lo, a pheng tat gawpte hi lo ding uh hi.

Tedim Bible

⁶ Upate in mawhsak nading tawh a kipelh mi, zi khat bek a nei mi, a tate zong thu-um mi hi-in, leitung nopsakna-ah uang lua hi ci-in mawhsakna a nei lo, thumang lo mi hi lo ding uh hi.

Titu 1:6 Referans Kwoze

1 TIMOTI MASA 3:12

Upate pen zi khat bek a nei mi, a tate le a innkuan sung hoihtakin a uk zote hi ding hi.

Titu 1:10

Bang hang hiam cih leh thu a mang lo, thu a mawk gengen, mi a khem thei, a diakdiakin Jew ngeina bangin vun at nading thu a gen tampi tak a om uh hi.

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin om zaw un.

Ezekiel 44:22

Meigong numei ahi a, a kima sa numei ahi zongin zi-in nei lo ding uh a, Israel nungak, ahih kei leh siampiteʼ zi meigongte bek teenpih thei ding uh hi.

Siampi Laibu 21:7

Amaute in numei paktat ahih kei leh a kininsak sa numei teenpih lo ding uh a, a pasal in a mak sa numei zong teenpih lo ding uh hi. Bang hang hiam cih leh siampipa pen ama Pasian adingin siangtho hi.

1 THESALONIKA MASA 5:14

Sanggamte aw, a thadah mite hilh unla, a meidawite hanthawnin, a zawngkhal mite huh unla, hih bang mite ngongbawl kei un.

Luka 1:5

Judea gam a hong uk sawn kumpi Herod hun laitakin siampi Abijahʼ pawlteʼ sung panin Zekhariah minnei siampi khat a om hi. A ziʼ min Elizabeth hi a, amah zong Aaronʼ suan ahih manin siampi nam mah ahi hi.

Paunak 28:7

Thuhilhna a mang mite ta pil hi a, lawm gilo tawh a kikhawl mi in a pa mindaisak hi.

1 SAMUEL MASA 2:22

Tu-in Eli teek mahmah a, Israel-te khempeuh tungah a tapateʼ gamtatnate le kikhopna buk lutna ah na a sem numeite tawh a lup khopna thute khempeuh zong a za hi.

1 SAMUEL MASA 2:11

Tua ciangin Ramah a a inn ah Elkanah a ciah hi. Ahi zongin naupang in siampi Eliʼ omna ah Topaʼ na a sem hi.

Siampi Laibu 21:14

Meigong numei, a kima sa numei, a kininsak sa numei, numei paktat, hih bangte pawl teenpih lo dinga, amah in ama mite lak panin nungak khat zi-in la ding hi.

Piancilna 18:19

Im kei ning. Bang hang hiam cih leh Topa in Abrahamʼ tunga a ciam sa thu a tunsak theih nadingin ama khit a a tate le a innkuanpihte in thuman le thutangin nasepna tawh Topaʼ thupiakte a zuih theih nadingun a hilh dingin amah ka teel khin hi,” a ci hi.

Malakhi 2:15

Pasian in na zite uh tawh pum khat, lungsim khat ahi dingin hong bawl hi lo ahi hiam? Hih bangin a hong bawlna pen bang a deihna ahi hiam? Pasianʼ mi taktak ahi ding tate i neih theih nading ahi hi. Tua ahih manin na khangno lai-un na teenpih na zi uh tawh na thuciamna uh na palsat khak loh nadingun kidawm un.

1 TIMOTI MASA 1:9

Ahi zongin i phawk dingah, mihoihte adingin thukham a kibawl hi lo a, thukham zui lote, thumang lote, Pasianʼ deih bangin a gamta lote le mawhneite, biakna lungsim a nei lote le kam kilawm lo a paute, nute pate a thatte, midang a thatte,