Titu 1:5 - Tedim Bible Revision 2017

⁵ Krete Tuikulh gam sung tengah a manin puahphat ding a kisam lai a omte a sem ding le khua simah pawlpi upa a koih dingin tua gamah a hong nusia ka hi hi. Nang tungah ka hong gen sa thute hoihtakin na phawk in:

Tedim Bible

⁵ Keimah in nang kong vaikhak mah bangin Krete gamah a kisam lai nate vaihawm kikin, khua khempeuh ah pawlpi upa koih nading tua gamah nang kong nusia zo hi.

Titu 1:5 Referans Kwoze

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amauteʼ muan ahi Topaʼ khut sungah tua mite a ap uh hi.

1 TIMOTI MASA 1:3

Masedonia gam lam manawhin ka pai lai-in Efesa khua ah na om ding ka hong sawl mah bangin tu-in zong tua khua mahah na om lai inla, thu upna man lo a hilh mite, a thuhilh a khawl nadingun thu na pia in.

Thuhilh-sia 12:9

Thugen Siampa, mipil ahih banah, amah in ama theih teng mite tungah a hilh hi. Amah in paunakte limtakin sin a, a man ahihna thu hoihtakin en tel hi.

1 KORIN MASA 14:40

Na khempeuh a kilawm a kituakin na hih un.

2 TIMOTI NIHNA 2:2

Mi tampiteʼ theihin ka thuhilh, na zak sa thu khempeuh, midangte a hilh sawn thei dingin a citak mite tungah hoihtakin a zuih dingun na hilh in.

1 KORIN MASA 11:34

Tua bangin na kikhop uh ciangin Pasianʼ thukhenna na thuakkhak loh nadingun a gilkial na om uh leh zong na inn uh ah an ne masa un. Thu dangdangte ahihleh ka hong pai ciangin kong gen ding hi.

Sawltak 27:21

Teembaw hawlte an ne loin sau veipi a om khit uh ciangin amaute mai ah Paul hong dinga, “Lawmte aw, keima thugen hong mangin Krete tuikulh panin a paikhia lo hi lehang, hih siatna le supna khempeuh tawh i kipelh ding hi.

Sawltak 27:12

Phalbi hun sungteng tua ka khawlna mun uh belh dingin hoih lo ahih manin, mi tampiteʼ ngaihsutna ah, pai khia-in ahih theih le Foenik teembaw khawlna ciang tunzawh nading hanciam ding hoih sa uh hi. Tua lai mun pen Krete tuikulh ah teembaw khawlna khat hi a, khang nitumna pan sak nitumna lam a nga teembaw khawlna ahih manin phalbi hun sungteng nuam takin tua lai ah a ki-om thei ding ahi hi.

Sawltak 27:7

Tua lai panin ni tampi sung damdamin ka pai uh a, haksa pipi-in Nidas khuapi san tak ka tung uh hi. Tua lai panin ka paisuak nop uh hangin huih kiphu zo nawn lo ahih manin Krete tuikulh beelin ka suk pai uh a, Salmone leidawk gei tawnin ka paisuak uh hi.

Sawltak 11:30

Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

Isaiah 44:7

Kua pen kei tawh kibang ahi hiam? Amah gensakin pulaksak unla, keima mai ah gensak un. A hong tung ding nate thu tanglai pek panin kua in tangko ahi hiam? Hong tung ding nate thu amaute gensak dih un.

Kolose 2:5

Bang hang hiam cih leh note tawh ka hong om khawm loh hangin ka lungsimin note tawh ka hong om khawm a, Khris na upna uh hangin kip takin na om khawmna uh ka theih manin ka nuam mahmah hi.

Sawltak 2:11

Jew mite le Gentail mi Jew biakna a zuite ihi a, pawl khatte pen Krete gam le Arabia gam pan ihi hi. Tua bang hi napi-in, Pasianʼ sep nalamdang liante a kigenna eima pau ciatin i za hi,” a ci uh hi.

1 KHANG TANGTHU MASATE 6:32

Solomon in Jerusalem ah Topaʼ Biakinn a lam ciang dong amaute in kikhopna puanbuk ahi biakbuk mai ah la sak na sem uh a, amaute in a nasep uh a hunhun a banbanin sem uh hi.

Sawltak 27:13

Leitaw lam panin huih hong nun hiauhiau ciangin eiʼ deihna bang hi, ci-in ngaihsun uh ahih manin teembaw khihna sikkawipi kai khiato uh a, Khawlmun Nuam panin Krete tuikulh a kineh thei zahzahin neh kawmin ka pai uh hi.

1 KORIN MASA 4:17

Tua thu hangin note kiangah, ka it mahmah, Topa thu sungah a citak mahmah, ka tapa Timoti ka hong paisak hi. Amah in, Jesu Khris thu sungah ka nuntakna ziate le pawlpi a tuamtuamte kiangah ka thuhilhte khempeuh, note tungah hong hilh ding hi.

Titu 1:12

Amau Krete gam mite sung panin a kamsang uh khat in, “Krete gam mite a zuau thei tawntung, ganhing bangin a gilo, a thadah a uisan mi ahi uh hi,” na ci hi.

Siampi Laibu 14:42

Tua ciangin amaute in suang dang la-in, tua suangteʼ omna munah koihin, amah in zutna dang la-in tua inn zut ding hi.