Titu 1:4 - Tedim Bible Revision 2017

⁴ Thu upna ah ka ta taktak ahi Titus tungah lai ka hong khak hi. Pa Pasian le eite hong Hon Khris Jesu in nangma tungah hehpihna le nopsakna thupha hong tungsak tahen.

Tedim Bible

⁴ A kibang khawm upna thu sungah ka ta taktak ahi Titu kiangah thu ka hong zasak hi. Pa Pasian leh eite Honpa Khazih Zeisu kiang pan hehpihna thupha leh nopna nangma tungah om ta hen.

Titu 1:4 Referans Kwoze

2 TIMOTI NIHNA 1:2

Ka it ka ta Timoti tungah lai ka hong khak hi. Pa Pasian le i Topa Khris Jesu in dikna, hehpihna le nopsakna thupha nang tungah hong tungsak tahen.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmah in ka om laitakin Pasian in ama mite tungah a tawntungin a kimang dingin khatvei bek a hong piak upna thu ah note in na nawk suak nadingun hanthotna gelh ding a kisapna thu ka phawk hi.

2 PETER NIHNA 1:11

Tua hileh eiteʼ Topa le Honpa Jesu Khris Uk tawntungna sungah nuam takin na lut thei ding uh hi.

2 PETER NIHNA 1:1

Jesu Khris nasem le sawltak ahi keimah Simon Peter in: Eiteʼ Pasian le Honpa ahi Jesu Khris a thumanna hangin koteʼ upna zah mahin upna manpha a nei mite tungah lai ka hong khak hi.

2 KORIN NIHNA 2:13

Ahi zongin tua lai ah i sanggampa Titus na om lo ahih manin ka lungsim om thei nawn lo hi. Tua ahih manin tua lai-a om mite nusia-in Masedonia gamah ka paisuak hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

2 KORIN NIHNA 8:23

Titus ahihleh note ading ka nasepna ah ka kikholh pih ka nasep pih mi hi a, amah tawh hong kithuah ka sanggam tegel uh ahihleh pawlpiteʼ tang hi uh a, Khrisʼ min a thangsakte ahi uh hi.

ROM (Romans) 1:12

Tua bang ka cih ciangin keiʼ upna in note hong tha khauhsakin, noteʼ upna in zong kei hong tha khauhsakin, phattuamna i ngah tuak theih nading ka deihna ahi hi.

Johan 4:42

Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Hon khia ding pa taktak hi, ci-in thei ka hih manun a um ka hi uh hi,” a ci uh hi.

1 JOHAN MASA 5:14

Eite in ama deihna tawh kituakin i nget nakleh i nget khempeuh Pasian in hong pia ding hi, ci-in kimuanna lungsim i nei hi.

2 PETER NIHNA 3:2

Tanglai pek a kamsang siangthoteʼ thugen kholhte le note lakah sawltak na a semte in Topa le Honpaʼ thupiakte a hong gen sawn uh thute na phawkkik ding uh ka deih hi.

2 PETER NIHNA 2:20

I Topa le Honpa Jesu Khris theihna hangin leitung siatna sung panin suakta khin napi-un, leitung siatna ah awkkikin a lelte pen, a masa a pianzia uh sangin a nunung a pianzia uh siahuai zaw hi.

Kolose 1:2

Kolose khua ah a om Pasianʼ mi ahi, Khris sungah kip takin a om sanggamte tungah lai ka hong khak uh hi. I Pa Pasian in note tungah dikna le nopsakna thupha hong tungsak tahen.

Efesa 1:2

Eiteʼ Pa Pasian le Topa Jesu Khris in note tungah dikna le nopsakna thupha hong tungsak tahen.

Galati 2:3

Kei tawh a kithuah Titus nangawn Grik mi hi napi-in a vun ki-atsak tuan lo hi.

2 KORIN NIHNA 12:18

Note kiangah Titus a hong pai nading ka hahsawl a, amah tawh a kithuah dingin thu upna sungah ka sanggampa uh zong ka hong paisak hi. Titus in nuamtak sa-in note tungah bang hong ngen zenzen ahi hiam? Kote in lungsim kibangin na semin ka kalsuanna zia uh zong a kibang hi lo ahi hiam?

2 KORIN NIHNA 8:16

Koteʼ hong kin zahin Titus in note hong kin nadingin Pasian in lungsim guan ahih manin Pasian tungah ka nuam mahmah uh hi.

2 KORIN NIHNA 8:6

Tua mah bangin Titus in zong hih bang nasep nading hong pat khit ahih mah bangin midang huh nading na sepnate uh note lakah hong zawh pih vet dingin ka hanthawn uh hi.

2 KORIN NIHNA 7:6

Ahi zongin a lungkia mite a hanthawn Pasian in Titus hong tunna tawh kote hong tha khauhsak hi.

2 KORIN NIHNA 4:13

Lai Siangtho in, “Um ka hih manin ka gen hi,” a cih mah bangin kote in zong um ka hih uh manin a gen ka hi uh hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesu Khris in note tungah dikna le nopsakna thupha hong tungsak tahen.

Luka 2:11

Tu ni-in David khuapi sungah, note a hong hon khia ding Khris Topa a suak hi.

Galati 3:26

Khris Jesu tawh na kipawl manun note khempeuh Pasianʼ tate na suah theihna uh pen na upna hang uh ahi hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khris tawh na kipawlna hangun pawl khat hi-in, a kibang kim na hi uh hi.

1 TIMOTI MASA 1:12

Hih bangin na sep zawh nadingin thatang hatna a hong pia i Topa Khris Jesu tungah ka lungdam hi. Ama nasem dingin kei hong muangin hong seh ahih manin ka nuam hi.

2 TIMOTI NIHNA 1:1

Khris Jesu tawh i kipawlna hangin hong kipia ding nuntakna thu a gen dingin Pasianʼ deihna tawh Khris Jesuʼ sawltak nasep a sem dingin a hong kisawl keimah Paul in

2 TIMOTI NIHNA 4:10

Demas in hih leitung thu kin zaw ahih manin kei hong nusia-in Thesalonika khua ah a pai hi. Kresen, Galatia gamah pai a, Titus, Dalmatia gamah pai hi.