Titu 1:15 - Tedim Bible Revision 2017

¹⁵ Lungsim siangthote adingin na khempeuh a siang hi a, ahi zongin thu um lote a lungsim ngaihsutnate uh sia khin ahih manin amaute adingin a siang bangmah om lo hi.

Tedim Bible

¹⁵ Mi siangtho mai-ah na khempeuh a siangtho hi. A siangtho lo leh thu-um lo mite mai-ah ahih leh, bangmah a siangtho kei hi; amaute lungsim uh leh amau lungsim-theihna uh zong a siangtho kei hi.

Titu 1:15 Referans Kwoze

ROM (Romans) 14:14

Topa Jesu tawh kipawlin a lungsim ka theihna tawh, na khat peuhpeuh ama thu-in a dawizek om het lo hi, ci-in teltakin ka thei hi. Ahi zongin mi khatpeuh in dawizek hi, ci-in a ngaihsut leh ama adingin a dawizek hi pah hi.

ROM (Romans) 14:20

Annek huhau-in Pasianʼ sep sa thute susia kei ni. An khempeuh a kine thei ding ahi hi; ahi zongin tua nekna hangin mi khat peuhpeuh a puk ding ahihleh a khial ihi hi.

1 KORIN MASA 10:23

“Ka ut peuhpeuh ka hih theih nading thu om hi,” a ci om kha ding hi. Ahi zongin na khempeuh ka hih ding kilawm lo hi. Na khempeuh hih theih nading thu a om hangin a kihih thei khempeuh hihna in midangteʼ hoih nading piangsak lo hi.

Mattiu 15:18

Ahi zongin kam sung panin a pusuakte pen lungsim panin hong kipan khia hi a, hihte in mi ninsak thei hi.

ROM (Romans) 14:23

Ahi zongin lunghimawh pipi-in a ne a om leh, a upna uh tawh kizui-in a gamta hi lo uh ahih manin Pasian in tua bang mite a mawhsak ding hi. I upna bangin gamtat lohna peuhpeuh mawhna ahi hi.

1 KORIN MASA 10:31

Tua ahih manin keimah in ka hong gen nop thu in: Na hihna khempeuh uh, nekna dawnna ah ahi zongin Pasianʼ minthan nadingin na hih un.

Sawltak 10:15

A awging in ama kiangah, “Pasian in a siangin a gen sa khat peuhpeuh a ninin ngaihsun kei in,” a ci leuleu hi.

1 KORIN MASA 8:7

Ahi zongin mi khempeuh in hih thu thei kim lo uh hi. Mi pawl khatte, milim biakna thu ah kingeina seh lua khin uh ahih manin tu hun mahmah in zong biakna sate a nek uh ciangin tua milim tawh kisai sa mahin ngaih sunsun lai uh hi. Amaute lungsim thaneem uh ahih manin tua sate a nek uh ciangin a zehphi mahin kingaihsun uh hi.

Hebru 10:22

Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

1 KORIN MASA 10:25

Na lungsim uh ah kisuanna a om loh nadingin sa zuakna ah a kizuak sa peuhpeuh bang sa ahi hiam, ci-in dong se loin na ututun na ne thei ding uh hi.

1 TIMOTI MASA 6:5

thuman thutak zui loin, a lungsim paizia uh a man nawn lo, biakna pen hauh theih nading lampi bekin a ngaihsun mite in a tawntungin kitot kiseelna a piangsak uh ahi hi.

Paunak 21:4

Kihisakin gamtatna le kiphatsakna lungsimte pen mawhna hi a, migilo hihna lim ahi hi.

Haggai 2:13

Tua ciangin Haggai in, “Mi khat in, misi tawh a kisukkhak manin mi nin a suah khit ciangin hih ante khat peuhpeuh lawng kha leh tua a lawnkhak ante a nin a suak ding hiam?” ci-in a dong hi. Siampite in, “A nin suak ding hi,” ci-in a dawng uh hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Paunak 30:12

Amaute a nin mahmah hi napi-in amauʼ muhna ah siang a kisa mahmah mi pawl khat om hi.

Hebru 12:15

Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.