Titu 1:13 - Tedim Bible Revision 2017

¹³ Hih ama thugen a man mahmah ahi hi. Tua ahih manin thu upna man nei thei-in,

Tedim Bible

^13-14 Hih teci thu a man hi. Tua ahih ciangin amaute in Judah mite tangthu ahi zongin, thuman thutak a paaikhia mite’ thukhamte ahi zongin thudon loin, upna thu-ah a kip nadingun amaute nakpi-in taai-in na hilh in.

Titu 1:13 Referans Kwoze

Titu 2:2

Pasal khanghamte a kilawm a kituakin a om theih nading, thu ngaihsun thei mi ahih nading, a kikem zo mite ahih theih nading, upna man a neih theih nading, itna man a neih theih nading uh le a manin lungkipin a thuak zawh nadingun na gen in.

1 TIMOTI MASA 5:20

A khial takpi upa a om leh upa dangte a lau theih nadingin a lawmte mai ah tua a khial pa taii-in thuhilh in.

Titu 2:15

Hih ka hong thugente hilh inla, mite taii-in na hanthot ciangin na aana neih teng khempeuh zang kawm in. Miteʼ simmawhin om kei in.

2 TIMOTI NIHNA 4:2

hunhoih hunsia cih khen tuan loin Pasianʼ thu hilh ding na kin ngaihsut nading, lungduaina tawh miteʼ lungsim zo-in, mite taii-in, hanthawnin na hilh nadingin thu a hong pia ka hi hi.

2 KORIN NIHNA 13:10

Noteʼ siat nading hi loin noteʼ phattuam nadingin Topa in kei tungah a hong piak thuneihna pen note tungah khauh takin ka hong zat khak loh nadingin lai a hong gelh ka hi hi.

1 TIMOTI MASA 4:6

Nang in na zuih sa upna thu le thuhilhna man na zuih kawmin hih ka hong thugente, i sanggamte kiangah na gen nakleh Khris Jesuʼ nasem a hoih khat na hi ding hi.

Paunak 27:5

Itna i seel bawl sangin a langtangin taina hoih zaw hi.

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amauʼ gitloh gamtatnate nakpi takin langpangin thu ka ngenngen hi.

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in.

Siampi Laibu 19:17

“Note in na lungsim sung uh ah na sanggampa uh na mudah kei ding uh a, na veengte uh tawh thu na kituah lohna uh kikum khawmin na siangsak ding uh hi; tua hikeileh ama hangin khialhna na pua ding uh hi.

1 TIMOTI MASA 1:10

nulepa mawhna a gamtate, palepa mawhna a bawlte, mi a gute, zuau thu a gente, miteʼ siat nading thu a gente le thuman tawh a kilehbulhin a gamta mite adingin thukham a kibawl ahi hi.