Titu 1:12 - Tedim Bible Revision 2017

¹² Amau Krete gam mite sung panin a kamsang uh khat in, “Krete gam mite a zuau thei tawntung, ganhing bangin a gilo, a thadah a uisan mi ahi uh hi,” na ci hi.

Tedim Bible

¹² Amau lakah amau mipawl ahi kamsangpa khat in: “Krete mite in a zuau thei mi, ganhing gilo, anhai thadah mi ahi uh hi,” a ci zo hi.

Titu 1:12 Referans Kwoze

1 TIMOTI MASA 4:2

Tua bang zuau thuhilhnate pen zuau genin mi a khem, sik em sa tawh tat gawp bangin a lungsim un a hoih le a hoih lo a khen thei nawn loteʼ kam panin hong ging khia ding hi.

ROM (Romans) 16:18

Tua bang mite in i Topa Khrisʼ na a sem hi loin, gilpi vai bek a sem uh ahi hi. Amaute in mite phatin kam khum nono zang uh ahih manin mihoih pawl khat a khem zo uh hi.

Sawltak 17:28

Mi khat in, ‘Pasian hangin eite piangin, hingin i gamtang hi,’ ci-in gen a, note sung panin laphuah siampa khat in zong, ‘Eite zong ama tate ihi hi,’ na na ci hi.

2 PETER NIHNA 2:15

Thuman lampi nusia-in gammang uh a, a man loin gamtatna tawh sum a ngah nuam Beorʼ tapa Balaamʼ gamtat bangin gamta uh hi.

2 PETER NIHNA 2:12

Ahi zongin mat ding le thah dingin a piang gamlak ganhing gilote bangin a pianpih lungsim uh zui-in gamta uh a, a theih loh uh thute a gen sia uh hi. Tua ganhingte mah bangin amaute kisusia dinga,

Sawltak 2:11

Jew mite le Gentail mi Jew biakna a zuite ihi a, pawl khatte pen Krete gam le Arabia gam pan ihi hi. Tua bang hi napi-in, Pasianʼ sep nalamdang liante a kigenna eima pau ciatin i za hi,” a ci uh hi.

Sawltak 27:7

Tua lai panin ni tampi sung damdamin ka pai uh a, haksa pipi-in Nidas khuapi san tak ka tung uh hi. Tua lai panin ka paisuak nop uh hangin huih kiphu zo nawn lo ahih manin Krete tuikulh beelin ka suk pai uh a, Salmone leidawk gei tawnin ka paisuak uh hi.

Sawltak 27:12

Phalbi hun sungteng tua ka khawlna mun uh belh dingin hoih lo ahih manin, mi tampiteʼ ngaihsutna ah, pai khia-in ahih theih le Foenik teembaw khawlna ciang tunzawh nading hanciam ding hoih sa uh hi. Tua lai mun pen Krete tuikulh ah teembaw khawlna khat hi a, khang nitumna pan sak nitumna lam a nga teembaw khawlna ahih manin phalbi hun sungteng nuam takin tua lai ah a ki-om thei ding ahi hi.

Sawltak 27:13

Leitaw lam panin huih hong nun hiauhiau ciangin eiʼ deihna bang hi, ci-in ngaihsun uh ahih manin teembaw khihna sikkawipi kai khiato uh a, Khawlmun Nuam panin Krete tuikulh a kineh thei zahzahin neh kawmin ka pai uh hi.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute ah kisial zawsopin, leitung nate bek ngaihsutin nei uh ahih manin Hell khuk sung a tung ding uh ahi hi.

Titu 1:5

Krete Tuikulh gam sung tengah a manin puahphat ding a kisam lai a omte a sem ding le khua simah pawlpi upa a koih dingin tua gamah a hong nusia ka hi hi. Nang tungah ka hong gen sa thute hoihtakin na phawk in: