Titu 1:11 - Tedim Bible Revision 2017

¹¹ Sum ngah theih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

Tedim Bible

¹¹ Tua mite kam kihu cip ding hi. Bang hang hiam na cih leh, amaute in sum siangtho lo hangin ahilh tuak lo thu hilhin, innkuanpih khempeuh lumlet thei uh hi.

Titu 1:11 Referans Kwoze

2 TIMOTI NIHNA 3:6

Tua bang mite pawl khat, mite inn ah va hawh khiankhianin, deihna nam tuamtuam le mawhna lungsim tawh a kidim numeite na thu zawh uh hi.

1 TIMOTI MASA 6:5

thuman thutak zui loin, a lungsim paizia uh a man nawn lo, biakna pen hauh theih nading lampi bekin a ngaihsun mite in a tawntungin kitot kiseelna a piangsak uh ahi hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Titu 3:10

Kitot, kikhen nading a piangsak mite pen khatvei nih vei bang na hilh khit ciangin kisu kha nawn vet kei in.

Late 63:11

Ahi zongin Pasianʼ hangin kumpipa lungdam dinga, Pasian tawh thuciamna a nei khempeuhte zong minthang ding uh hi. Bang hang hiam cih leh zuau thu a gen kam khempeuh kihubing ding hi.

Titu 1:9

Upna bulpi tawh a kituak thute limtakin lenkip ding uh hi. Tua hileh thuhilhna man tawh midangte hanthawn thei ding uh a, thuman a nial miteʼ khialhna zong laktel thei ding uh hi.

Titu 1:7

Pawlpi siate pen Pasianʼ nasem ahih manin paubaanna a om lo, a kiphasak lo, zukham thei mi ahi lo, a ngongtat lo, a huaiham lo,

Micah 3:5

Sum a pia zo mite kiangah thunuam gen a, a pia lo mite kiangah gal tuah ding a gen kamsangte in mite lam a khialsak uh hi. Topa in tua bang kamsangte kiangah,

Late 107:42

Lungsim thutangte in hih thu mu-in kipak uh a, a gilote in ahihleh amauʼ kam a cih ciat uh hi.

2 KORIN NIHNA 11:10

Khris thuman keima sungah om ahih mah bangin no Akhaia gam sungah hih ka kisialhna thu mah kizom paisuak ding hi, ci-in ka kiciam hi.

Luka 20:40

Tua ahih manin Saddusi mite in thu a dong ngam nawn kei uh hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Ezekiel 16:63

Na gamtatna sa khempeuh kong maisak khit ciangin na gamtatna sa khempeuh na phawkkik dinga, maizum lua-in cih nading mel thei loin na om ding hi, Topa Pasian in ci hi,” a hong ci hi.

Ezekiel 13:19

Mangbuhham khut khat dim le anlum them tawm khat na ngah theih nadingun ka miteʼ mai ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuau thu genin, amaute in noteʼ thugen hong um uh hi.

Jeremiah 8:10

Tua ahih manin a zite uh midangte ka piaksak dinga, a lote uh zong midangte ka luahsak ding hi. Bang hang hiam cih leh a neu pen pan a lian pen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Johan 10:12

Tuu nei taktak ahi lo, a kicial tawm tuucingpa in ngia khawng a muh ciangin a tuute nusia-in taisan ahih manin ngia in tuute man a, tuute a kithehthang gawp hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

1 TIMOTI MASA 5:4

Meigong numei khatpeuh in tate ahi a, tute ahi zongin a neih leh innkuan sungah biakna tawh kisai-in tavuan a neihna uh hilh inla, a nu a pa, a pu a pite a huh nadingun gen in. Hih bang gamtatna pen Pasianʼ muhna ah a hoih thu ahi hi.

1 TIMOTI MASA 5:13

Tua bek zong hi loin, bangmah sem loin inn khat pan inn khat ah vak kawikawi-in a hun uh mawk beisak uh a, a vak mawk uh tawh maisak loin mi gensia kawikawi-in midangte va nawngkaisak uh a, a gen lohpi ding teng uh genin va nei uh hi.

2 TIMOTI NIHNA 2:18

Thuman lampi panin amaute pial khin uh a, thawhkikna thu pen a beisa thu hi ta hi, ci-in thu um mi pawl khat lungmangsak uh hi.