Titu 1:1 - Tedim Bible Revision 2017

^1-3 Pasianʼ sila le Jesu Khrisʼ sawltak ahi keimah Paul in, Thuzuau a gen ngei lo Pasian in tangtawng pekin thu hong ciamin, a hunhoih a tun ciangin thuhilhna tawh a hong kilatsak nuntak tawntungna thu lametna tawh, Pasianʼ teel miteʼ upna le thuman thutak a theihna uh ah biakna thu tawh kituakin a khan semsem nading thu a hilh dingin eite hong Hon Pasianʼ thupiakna tawh nasep hong kipia ahih manin,

Tedim Bible

^1-3 Zuauthu a gen thei lo Pasian in tanglai hun a tun’ ma-in thuciam a, eite Honpa Pasian’ thukham bangin kei hong piak thuhilhna tawh a kilawm hunte-ah, Pasian thu a latsakna tawh a kipawl, nuntak tawntungna lamenin, Pasian biakna lamah nopsakna tawh a kipawl thuman thutak theih nading ahi zongin, Pasian’ teel mite’ up nading ahi zongin, Pasian’ sila ahi Zeisu Khazih’ sawltak keimah Paul in:

Titu 1:1 Referans Kwoze

ROM (Romans) 1:1

Pasian kiang panin a hong pai Lungdamna Thu a hilh dingin Pasianʼ teelna tawh sawltak ahi, Jesu Khrisʼ sila keimah Paul in lai ka hong khak hi.

1 TIMOTI MASA 6:3

Topa Jesu Khris thu tawh a kituak lo, i biakna paizia tawh a kilehngatin thu tuamdang a hilh mite pen,

2 TIMOTI NIHNA 2:25

thunem tawh a langteʼ hoih lohna a puah theite hi ding hi. Tua bang hileh Pasian in amaute kisiksak thei dinga, thuman thutak hong thei-in,

2 TIMOTI NIHNA 2:23

Thu kihai seelna, thei lo pi-a thu kinialnate na pelh in. Tua bangte in kitotna a piansak lamtak na theih sa ahi hi.

2 PETER NIHNA 1:3

Ama minthanna le a hoihnate a neikhawm dingin a hong sam pa i theihna hangin Pasianʼ deih bangin biakna mantak i nuntak theih nadingin ama vangliatna in eiteʼ kisap na khempeuh a hong pia hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

2 PETER NIHNA 3:11

Hih nate khempeuh hih bangin kisusia mang khin ding ahih manin note a bangci mi dingin kilawm cih limtakin na ngaihsun un. A siangtho nuntakna nei-in Pasianʼ deihna bangin na gamta unla,

1 TIMOTI MASA 2:4

Mi khempeuh in hotkhiatna ngahin, thuman a theihkim ding Pasian in deih hi.

Kolose 2:2

Note, lungsim hanna tawh kidimin, thu a man taktakin na theihna hangun lungkip takin omin, itna tawh pum khat na suah theih nading uh ka deihna ahi hi. Tua hileh Pasianʼ thusim ahi Khris mahmah na thei ding uh hi.

Filippi 1:1

Jesu Khrisʼ sila keimah Paul le Timoti in Filippi khua-a om Khris tawh a kipawl Pasianʼ mite, siate le upate khempeuh tungah lai ka hong khak uh hi.

2 KORIN NIHNA 1:1

Jesu Khrisʼ sawltak ahi dingin Pasian in a hong seh keimah Paul le thu upna sungah i sanggam Timoti in, Korin khua ah a om Pasianʼ pawlpi mite le Akhaia gam sungah a om Pasianʼ mite khempeuh tungah lai ka hong khak uh hi.

Sawltak 13:48

Gentail mite in hih thu a zak uh ciangin lungdam mahmah uh a, Pasianʼ thu hoih mahmah hi, ci-in a phat uh hi. Nuntak tawntungna a ngah dingin Pasian in a teel sa mite in Pasianʼ thu hong um uh hi.

1 KHANG TANGTHU MASATE 6:49

Aaron le a tapate in Pasianʼ nasem Mosesʼ thupiak sate khempeuh bangin siangtho pen mun nasepnate khempeuh le Israel mite adingin kilemna a bawl dingin meihal biakna tau tung le paknamtui biakna tau tungah piakna a bawl uh hi.

Efesa 2:8

Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

1 JOHAN MASA 2:23

Tapa a nialte in Pa zong a nial hi a, Tapa a sangte in Pa zong a sang ahi hi.

Luka 18:7

A sun a zanin ama tungah a thumthum ama miteʼ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

2 TIMOTI NIHNA 2:10

Tua ahih manin Pasianʼ teel mite in zong Khris Jesu hangin hotkhiatna le tawntung minthanna a ngahkhawm theih nadingun amauteʼ hangin na khempeuh ka thuak hi.

Jeim 1:1

Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.

Mangmuhna 1:1

Hih laibu pen a piang baih ding thute, Pasianʼ nasemte tungah a lah dingin Pasian in Jesu tungah a thu pia a, Jesu in mang sungah a lah thute ahi hi. Khris in ama vantungmi sawl a, a nasem pa Johan kiangah hih thute a kilangsak hi.