Thukhente 3:9 - Tedim Bible Revision 2017

⁹ Ahih hangin Topaʼ tungah Israel mite kiko uh a, Topa in Kalebʼ naupa Kenazʼ tapa Othniel, amaute a hon khia dingin a khangsak hi.

Tedim Bible

⁹ Ahih hangin Israel mite Topa tungah kiko uh a, Topa in Kaleb’ naupa Kenaz’ tapa Othniel, amaute a honkhiapa ahi honpa khat Israel mite adingin khangsak hi.

Thukhente 3:9 Referans Kwoze

Thukhente 3:15

Ahih hangin Topaʼ tungah Israel mite a kiko uh ciangin, Topa in Benjamin mi, Geraʼ tapa a veikhoi Ehud, amauteʼ honpa dingin a khangsak hi. Israel mite in ama tungtawnin Moab kumpipa Eglon tungah siah a puak uh hi.

Thukhente 1:13

Tua ciangin Kalebʼ naupa Kenazʼ tapa Othniel in la a, amah in a zi dingin a tanu Aksah a pia pah hi.

Thukhente 10:10

Tua ciangin Topa tungah Israel-te kiko uh a, “Nang tungah kong khial khin uh hi; bang hang hiam cih leh kote in ka Pasian uh nusia-in Baal-te ka bia uh hi,” a ci uh hi.

Thukhente 6:7

Midian-teʼ hangin Israel mite Topaʼ tungah a kiko uh ciangin,

Late 22:5

Nangma tungah amaute in hong ko uh a, amaute kihon hi. Nangmah hong muang uh a, guaksuak lo uh hi.

Thukhente 4:3

Tua ciangin Israel mite huhna a ngen dingin Topaʼ tungah a kiko uh hi. Bang hang hiam cih leh amah in sikleeng za kua nei a, Israel mite kum sawm nih sung nakpi takin gim a pia hi.

Thukhente 2:16

Tua ciangin, amauteʼ na a sut gawp miteʼ vangliatna panin amaute a hon khia thukhente Topa in khangsak hi.

Late 78:34

Amaute pawl khat a thah khit ciangin a om lai mite in amah zong pan uh hi. Amaute kisikin, lungsim taktak tawh Pasian a zong uh hi.

Nehemiah 9:27

Hih thu hangin a galte uh khut sungah amaute na ap a, a galte un amaute hih gawpgawp uh hi. Ahi zongin amau a kihih gawpgawp hun ciangin nang tungah hong ko uh a, nangmah in vantung panin na za a, na hehpihna lianpi tawh amauʼ galteʼ kiang panin amaute a hon khia ding hon khiate na puak hi.

1 SAMUEL MASA 12:10

Tua ciangin Topa tungah amaute kiko uh a, ‘Kote ka khial khin uh hi; bang hang hiam cih leh Topa nusia-in Baal-te le Ashtaroth na ka sem uh hi. Ahih hangin tu-in ka galte uh khut sung panin kote hong hon khia in; nangma na kong sem ding uh hi,’ a ci uh hi.

Joshua 15:17

Tua ciangin Kalebʼ sanggampa Kenazʼ tapa Othniel in la a, amah in a zi dingin a tanu Aksah a pia hi.

Thukhente 3:8

Tua ahih ciangin Israel-te tungah Topa sin so a, amah in Mesopotamia kumpipa Kushan-rishathaim tungah amaute a pia hi. Israel mite in Kushan-rishathaimʼ na kum giat sung a sem uh hi.

Thukhente 2:18

Topa in amaute adingin thukhente a khansak sialin Topa in thukhente huh a, thukhenteʼ nuntak sung tawntung a galte uh khut sung panin amaute hon hi. Bang hang hiam cih leh amaute a gimsak a nengniamteʼ hangin amauʼ tauna in Topaʼ hehpih nading piangsak hi.