Thukhente 2:3 - Tedim Bible Revision 2017

³ Tua ahih ciangin tu-in keimah in noteʼ mai ah amaute ka hawl khia kei ding hi. Amaute pen noteʼ lang suak ding uh a, a pasian-te uh note adingin thang antah hi ding hi,” a ci hi.

Tedim Bible

³ Tua ahih ciangin tu-in keimah in, note mai-ah amaute ka hawlkhia kei ding hi; amaute in note’ ling suak ding uh a, a pasiante uh note’ adingin thang hi ding hi,” a ci hi.

Thukhente 2:3 Referans Kwoze

Joshua 23:13

Topa na Pasian un noteʼ mai ah hih minamte hawl khia nawn lo ding hi, ci-in teltakin thei un. Topa na Pasian un note hong piak hih leitang hoih panin na sih khit matengun amaute pen note adingin thangzak le tehlop, na nung uh a hong sat ciangduai, ahih kei leh na mit sung uh a hong sun ling tawh kibang ding uh hi.

Gamlak-vakna 33:55

Ahih hangin noteʼ mai panin tua gam a teeng mite na hawlkhiat kei uh leh, na omsak lai uh mite pen na mittang uh a hong do, na pang uh a hong sun lingte tawh hong kibang ding uh a, na teenna gam uh ah note hong gimsak ding uh hi.

Late 106:36

Amau adingin thangzak ahi amauʼ milimte a biakpih uh hi.

Thu-hilhkikna 7:16

Topa na Pasian un note tungah hong piak mi khempeuh na beisak ding uh a, amaute na khasiat kei ding uh hi. Note adingin thangzak hi ding ahih manin amauʼ pasian-te zong na bia kei ding uh hi.

Thukhente 3:6

Amaute in a zi dingun a tanute uh la uh a, amauʼ tanute a tapate uh tungah a pia uh hi. Amaute in a pasian-te uh a bia uh hi.

Thukhente 2:21

Joshua a sih lai-in a nusiat minamte khat zong tu a kipanin amauteʼ mai ah ka hawl khia kei ding hi.

Paikhiatna 34:12

Na paina leitang ah a teeng mite tawh thuciamna bawl kha kei inla, tua pen note adingin thangzak a suahkhak loh nadingin nang mahmah kidawm in.

Paikhiatna 23:33

Amaute in keiʼ tungah note hong khialsak kha ding ahih ciangin noteʼ leitang tungah amaute teeng lo ding uh hi. Bang hang hiam cih leh note in amauʼ pasian-te na biak uh leh noteʼ tungah thangzak khat hong hi taktak ding hi,” a ci hi.

Thukhente 2:4

Topaʼ vantungmi in Israel mi khempeuh tungah hih thute a gen ciangin mite a kap uh hi.

Thukhente 8:27

Tua ciangin Gideon in tuate milimin bawlin ama khuapi Ofrah khua ah a koih hi. Israel-te khempeuh in tua lai munah tua milim bia uh a, Gideon le a innkuanpihte adingin thangzak khat a suak hi.