Thukhente 1:3 - Tedim Bible Revision 2017

³ Tua ciangin Judah minamte in a sanggam uh Simeon minamte kiangah, “Kanaan mite i zawh theih nadingin ko tungah hong kipia gamah kote hong zui un. Tua mah bangin no hong kipia gamah kote in zong kong zui ding uh hi,” a ci uh hi. Tua ahih ciangin Simeon minamte in a zui uh hi.

Tedim Bible

³ Tua ciangin Judah in a sanggampa Simeon kiangah, “Kanaan mite i do theih nadingin kei tungah hong kipia gamah kei hong zui in; tua mah bangin nang hong kipia gamah keimah in zong kong zui ding hi,” a ci hi. Tua ahih ciangin Simeon in amah zui hi.

Thukhente 1:3 Referans Kwoze

2 SAMUEL NIHNA 10:11

Tua ciangin amah in, “Syria mite kei adingin a hat luat leh kei nong huh ding hi. Ahih hangin Ammon mite nang adingin a hat luat le kei hong pai-in nang kong huh ding hi.

Thukhente 1:17

Judah mite zong Simeon mite tawh pai khawmin Zefathah a teeng Kanaan mite va zo-in susia mang uh hi. Tua ahih ciangin tua khuapi min Hormah kici hi.

Joshua 19:1

A beh zui-in Simeon minam ading aisan nihna hong tung hi. Amauʼ gamh in Judah minamteʼ gamh ngah sa pawl khat huam hi.

Piancilna 29:33

Amah gaikikin tapa khat nei a, amah in, “Keimah hong kimuhdahna thu Topa in za khin ahih manin, amah in hih tapa zong hong pia hi,” ci hi. Amah in a min Simeon a phuak hi.

Thukhente 1:2

Topa in, “Judah minamte kuan to masa ding uh hi. En un, amauʼ khut sungah tua leitang ka pia zo hi,” a ci hi.

Thukhente 1:4

Tua ciangin Judah minamte kuan to uh a, Topa in amauteʼ khut sungah Kanaan mite le Perez mite a pia hi. Amaute in Bezek ah tua mite tul sawm bang a zo uh hi.