Thuhilh-sia 7:1 - Tedim Bible Revision 2017

¹ A manpha paknamtui sangin min pha hoih zaw a, i suah ni sangin i sih ni hoih zaw hi.

Tedim Bible

¹ A manpha paknamtui sangin minpha hoihzaw a, i suah ni sangin i sih ni hoihzaw hi.

Thuhilh-sia 7:1 Referans Kwoze

Mangmuhna 14:13

Tua ciangin vantung panin awging khat ka za a, “Tu a kipanin Topa thu ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amauteʼ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Paunak 22:1

Hauhna sangin min hoihna deihhuai zaw a, kham le ngun sangin miʼ hong thusimna deihhuai zaw hi.

Thuhilh-sia 4:2

A hing lai mite sangin a si khin sa mite hampha zaw ka sa hi.

2 KORIN NIHNA 5:8

Lungmuang takin a ki-om hithiat hi a, hih leitung pumpi nusia-in Topa tawh om khawm ding a ki-ut zaw ahi hi.

2 KORIN NIHNA 5:1

Bang hang hiam cih leh hih ka teenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote adingin a hong bawlsak inn, vantungah a nei ding ka hihna uh ka thei uh hi.

Solomon la 1:3

Na omna khempeuh nam vuauvuau a, na min kizaza a, nungak khempeuh in nang hong ngai hi.

Thuhilh-sia 10:1

A si sa thote in paknamtui bung sungah a om paknamtui uihsak thei a, hai tatna themno khat in pilna lian pen susia thei hi.

Paunak 27:9

Sathau namtui le paknamtui in lung nuamsak a, lawmteʼ limbawlna in tha hatsak hi.

Isaiah 56:5

ka inn sung le ka huang sungah tanu le tapate sangin a hoih zaw phawkna le min ka pia dinga, a mang ngei nawn lo ding a kip tawntung min amaute tungah ka pia ding hi.

Paunak 15:30

Maitaina in lung nuamsak a, thuhoih zakna in lungdamsak hi.

JOB (Job) 3:17

Tua lai ah migilote in hong su kha nawn lo dinga, a gim mite tawlnga hithiat ding hi.

Johan 13:2

Jesu le a nungzuite nitak an ne-in a tukhawm uh hi. Tua hun laitakin dawimangpa in Simon Iskariotʼ tapa Judasʼ lungsim sungah Jesu lehhek nading ngaihsutna koih khinzo hi.

Late 133:2

Tua pen a puan ngawng tungah Aaronʼ khamul kai suk zui-in a lu tung panin a taak suk, sathau manpha tawh kibang hi.

Hebru 11:39

Hih miteʼ upna lian mahmah hi, ci-in a kitheih hangin piak dingin Pasian in a ciam sa thute a ngah nai kei uh hi.

Hebru 11:2

Tanglai mite in upna a na neih manun Pasian in a na pakta hi.

Luka 10:20

Ahi zongin dawite in na thu uh hong manna hangin lungdam kei unla, vantungah na min uh a kigelh manin lungdam zaw un,” a ci hi.

Solomon la 4:10

Itluat ka lawm ngaih aw, nang tawh kingaih nuam mahmah hi. Na itna leenggahzu sangin khum zaw a, na paknamtui paknamtui dang khempeuh sangin namtui zaw hi.

Thuhilh-sia 7:8

Thu khatpeuh a kipatna sangin a tawpna hoih zaw a, kiphatsakna sangin lungduaina hoih zaw hi.

Jonah 4:3

Tua ahih ciangin Topa aw, tu-in ka nuntakna hong la in, ci-in kong thum hi. Bang hang hiam cih leh ka nuntak sangin si leng kei adingin a hoih zaw hi,” a ci hi.

Ruth 3:14

Tua ahih ciangin zingsang dong a khe kiangah lum a, ahih hangin mi mel khatlekhat a kitheih ma-in amah a tho hi. Tua ciangin mipa in, “Ancilna ah numei a paina kitheisak kei in,” a ci hi.

Paunak 25:10

Tua hikeileh amah hehin nang hong maizumsak dinga, na min siatna bei ngei nawn lo ding hi.