Thuhilh-sia 1:9 - Tedim Bible Revision 2017

⁹ A om sa mah bangin hong piangkik dinga, a kisem sa bangin hong kisemkik ding hi. Leitungah a thak na khat beek om lo hi.

Tedim Bible

⁹ A omsa mah bangin hong piang kik ding a, a kisemsa bangin hong kisem kik ding hi. Leitungah a thak na khat beek om lo hi.

Thuhilh-sia 1:9 Referans Kwoze

Thuhilh-sia 3:15

A piang khat peuhpeuh pen a piang ngeisa mah na hi a, a piang lai ding khat peuhpeuh zong a piang ngeisa mah na hi lel hi. Pasian in ama hunhunin a piang ngeisa mah piangsakkik zelzel hi.

Thuhilh-sia 6:10

A piang thu khempeuh, a tua ci mahin tangtawng a kiseh sa hi a, mi khat in amah sangin a thahat zaw mi khat a nial zawh lohna thu i vekpi-in i thei hi.

Thuhilh-sia 2:12

A hi-in ci lehang, kumpi khat in ama ma-a kumpipaʼ hih sa teng mah a hih thei bek ahi hi. Tua ahih ciangin pilna, haina, mawkna i cih bang ahi hiam, ci-in ka ngaihsun hi.

Mangmuhna 21:1

Tua ciangin van thak khat le lei thak khat ka mu hi. Van masa le lei masa maimang khin a, tuipi zong om nawn lo hi.

Thuhilh-sia 7:10

“Bang hangin nidang lai-in hih sangin hoih zaw tham ahi hiam?” ci-in dong kei in. Tua bangte pil thudotna hi lo hi.

Jeremiah 31:22

Bang tanvei lungka ding na hi hiam, a zulhzau ka tanu aw. Bang hang hiam cih leh Topa in leitungah na thak khat bawl a, numei in pasal a hon zo hi,” a ci hi.

2 PETER NIHNA 2:1

Mite lakah kamsang man lo a omngei mah bangin note lakah sia man lo hong om ding hi. Siatna a piangsak thei thuhilhna a man lo hong lutpih simin, amaute mahmah a tan khia Topa nangawn nial ding uh hi. Tua ahih manin thakhat thu-in siatna thuak lawh ding uh hi.

Isaiah 43:19

Tu-in a thak na khat ka bawl a, tu-in hong piang khia hi. Note in thei lo na hi uh hiam? Gamlak ah lam lianpi khat ka bawl dinga, sehnel gam sungah gunte ka luangsak ding hi.

Mangmuhna 21:5

Tua ciangin tokhom tungah a tupa in, “Tu-in na khempeuh a thakin ka bawl hi,” ci hi. Tua ciangin, “Hih thute thumanin muantaak ahih manin lai ah gelh in,” hong ci lai hi.

Thuhilh-sia 1:10

Hih pen a thak ahi hi, a kici thei ding khat beek om lo hi. Eiteʼ khan ma-in a om sa vive ahi hi.