Solomon la 5:2 - Tedim Bible Revision 2017

² Ka lup hangin ka lungsim ihmu lo a, ka ngaihno in ka kong hong kiuh ka za hi. Itluat ngaihno ka lungtup aw, kei hong tumsak in. Ka lu tungah daingo kia a, meii zun in ka sam kawtsak hi.

Tedim Bible

² Ka lup hangin ka lungsim ihmu lo a, ka ngaihno in ka kong hong kiuh ka za hi. Tangval: It luat, ngaihno, ka lungtup aw, kei hong tumsak in. Ka lu tungah daingo kia a, meiilum in ka sam kawtsak hi. Nungak:

Solomon la 5:2 Referans Kwoze

Mangmuhna 3:20

Kongkhak ah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.

Solomon la 2:14

Suangheeng kawm a vasa bangin nang na bu niloh hi. A ngaihbaang na mai hong musak inla, a lungzuan huai na awging hong zasak in.

Zekhariah 4:1

Kei tawh a kiho vantungmi mah hong paikik a, a ihmu kimlai a kiphong bang keekin kei hong khanglosak hi.

Solomon la 6:9

ahi zongin khat bek ka ngai a, amah pen vahui bangin it-huai hi. Amah pen a nuʼ tanu neihsun hi a, a nuʼ ta it pen khat ahi hi.

Late 119:1

Amauʼ gamtatna ah paubaan om loin Topaʼ ngeina sungah a gamtate thupha ngah ahi hi.

Mattiu 8:17

Kamsang Isaiah in, “Amah in eiteʼ natna teng thuakin, eiteʼ gimna teng pua khia hi,” ci-in a genna thu a tun nadingin hih bang a piang ahi hi.

Isaiah 52:14

Mi tampite in amah lamdang sa uh hi. Mihing a bang nawn lo zah dongin nakpi takin a mai sia a, mihing a sun nawn lo zah dongin a mel a sia hi.

Isaiah 50:6

Hong satte, ka nung ka dawh a, ka khamul-in a hong kai mite, ka paang ka dawh hi. Maizumna le cilphihna panin ka maitang ka hei kei hi.

Solomon la 8:7

Tui tampi nangawn tawh kisumit zo lo a, tui sungah i phumcip hangin mit zo tuan lo hi. Mi khat in a neihsa sum khempeuh tawh itna a lei dingin hong kithawi leh kinuihsan lel ding hi.

Solomon la 7:9

Na kam, leenggahzu bangin khum zungzung hi. Ka ngaihno tungah leenggahzu khum luang henla, a muk a ha tawk kim hen.

Solomon la 5:11

A sam sau-in kil thiuhtheuh a, a sam hoihin vom dikdek a, kham sangin zong deihhuai zaw hi.

Solomon la 4:9

Itluat ka lawm ngaih aw, na mit hah in ka lung hong kuai a, na khi awh in ka lungsim hong zo hi.

Solomon la 4:7

Ngaihno aw, na ngaihbaang mahmah a, kawkbaanna ding na nei kei hi.

Solomon la 3:1

Zan sialin ka lup kawmin, ka ngaihno ka lung ngaingai a, amah ka zon hangin ka mu zo kei hi.

Solomon la 2:10

Ka ngaihno in ka kiangah thu hong gen a, “Hong pai in, ngaihno aw, hong zui in, itluat aw.

Solomon la 2:8

Ka ngaihnoʼ awging ka za hi. Mual tung tawnin hong tai a, mualte kantanin kei hong zuan hi.

Paunak 23:26

Ka ta aw, ka thugente ciamteh inla, keima gamtat bangin nang zong gamta in.

Late 81:10

Egypt gam panin note a hong la khia, Topa na Pasian uh ka hi hi. Na kam uh a golin ka un, keimah in kong dimsak ding hi.

Piancilna 29:20

Tua ahih ciangin Jakob in Rachel a ngah nadingin kum sagih sung na sem a, amah a itna hangin tua hunte ni tawmno khat tawh kibang a sa hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.

Mangmuhna 3:4

Ahi zongin Sardis khua sunga om note lakah a puan a ninsak nai lo tawm khat na om uh hi. Tua bang mite kilawm uh ahih manin kei tawh puan pak silhin ka tonkhawm ding uh hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khris in nang hong taan ding hi,” kici hi.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

Johan 10:4

A tuute khempeuh a pusuahkhiat khit ciangin tuate mai ah a cing pa pai a, a cing paʼ aw thei uh ahih manin tuute in amah a zui uh hi.

Luka 22:44

Lunggim mahmah ahih manin nakpi takin thu ngen semsem a, leilak a si mal gol taak bangin a khua-ul a taak hi.

Luka 9:32

Peter le a lawm tegel lusu-in ihmu uh a, ahi zongin amaute hong khanglo-in, Jesuʼ minthanna vang le amah tawh a ding khawm mi nihte a mu uh hi.

Luka 6:12

Ni khat, thungen dingin mual tungah Jesu pai a, zan tawntung Pasian kiangah thu ngenin a om hi.

Marka 1:35

A zing ciang phalvak ma-in Jesu tho-in gamdaihna mun khat ah na pai-in thu a ngen hi.

Daniel 8:18

Amah in thu a hong gen laitakin sibupin leilak ah ka tuk hi. Ahih hangin amah in hong dom to-in a hong dingsak hi.

Mattiu 7:8

Bang hang hiam na cih uh leh a ngente khempeuh in ngah ding uh a, a zongte khempeuh in mu ding uh a, a kiute khempeuh ading kong kihon ding hi.

Solomon la 1:16

Ngaihno ngingei aw, na etlawm a, na ngaihhuai hi.

Solomon la 5:6

Ka ngaihno a lutsak dingin kong ka hon a, amah na tai khia khinta hi. Amah a taikhiat manin ka dah lua a, amah ka zon hangin ka mu kei a, amah ka sap hangin hong dawng lo hi.