Solomon la 1:4 - Tedim Bible Revision 2017

⁴ Hong kai inla zawltai ni. Ka kumpi hong hi inla, na inn ah hong ciahpih in. Nang tawh om leeng i lung dam hi; leenggahzu ne-in nuamsa ni. Nang kong ngaih khak tuahpha ing.

Tedim Bible

⁴ Hong kai in la, paikhawm ni. Ka kumpi hong hi in la, na innah hong ciahpih in. Nang tawh om leeng i lung dam a, leenggahzu ne-in nuam sa ni. Nang kong ngaih khak tuahpha ing.

Solomon la 1:4 Referans Kwoze

Johan 6:44

Kei hong sawl Pa in a kaih loh mite ka kiangah hong pai thei lo dinga, ka kiangah hong pai mite nitawp ni ciangin ka hingsak ding hi.

Hosea 11:4

Amaute, itna le hehpihna tawh ka len a, dom to-in ka biang ciangah ka tawi a, awn sukin an ka pia hi.

Johan 12:32

Leilak panin kei hong kikhai toh ciangin ka kiangah mi khempeuh ka kai ding hi,” a ci hi.

Jeremiah 31:3

gamlapi pek panin Topa ka kilang hi. Keimah in nang kong it tawntung a, tua ahih manin nangʼ tungah kong thuman tawntung hi.

Hebru 12:1

Tua hi a, eite in i kiim i pam ah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh pai khia-in, i mai ah a om tai nading lampi a mong dongin lungsim kip takin tai ni.

Luka 22:19

Tua ciangin anlum la-in Pasian tungah lungdamna a koh khit ciangin amaute tungah pia a, “Hih pen note adingin a hong kipia keima pumpi ahi hi. Keimah nong phawk nadingun na ne un,” a ci hi.

Luka 2:10

Ahi zongin vantungmi in, “Lau kei un. Mi khempeuh a lungdamsak ding thu thak hoih khat note ading ka hong puak hi.

Mattiu 25:10

Meitui lei dingin amaute a paikhiat kal sungin zineipa hong tung hi. A kiging sa-in a om nungakte in zineipa dawnin mopawi bawlna sungah a lut khawm pah uh hi. Tua khit ciangin kong kikhak hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Isaiah 63:7

Topa’ itna kip, Topa phatnate, Topa in eite tungah a hong piak khempeuh tawh a kizui leh, ama hehpihna le a lianpi ama itna kip tawh a kizui-in amaute tunga a piak, Israel innkuan tungah ama hoihna lianpite ka gengen ding hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Isaiah 45:25

Israel suanlekhakte khempeuh, Topa’ hangin gualzo-in a kisial ding uh hi.

Isaiah 25:8

Amah in sihna beisak mang dinga, maitang khempeuh panin khitui nul ding hi. Leitung khempeuh panin ama mite a kizahkona la khia ding hi. Bang hang hiam cih leh Topa in hih thu gen khinzo hi.

Solomon la 3:4

Khua sung cingte tawh ka kikhen khit phetin ka ngaihno tawh ka kimu hi. Amah kawi-in ka lencip a, ka pianna ka nuʼ inn dei sung, ka nuʼ inn dong ka tunpih mateng ka khah kei hi.

Late 149:2

Amah a Bawlpa tungah Israel lungdam henla, amauʼ Kumpipaʼ tungah Zion mite kipak tahen.

Efesa 2:6

Khris Jesu tawh eite i kipawlna hangin vantungah amah tawh i uk khawm theih nadingin sihna panin Pasian in a hong thokhawmsak hi.

Zefaniah 3:14

Zion tanu aw, nakpi takin la sa inla, Israel aw, lungdamin kiko in. Jerusalem tanu aw, na lungsim khempeuh tawh lungdam in.

Late 119:60

Kei kinawhin, na thupiakte zuih ding ka zekai kei hi.

Late 119:32

Keima theihna nong zaisak ciangin nangma thupiaknate lawpna tawh ka zui ding hi.

Late 111:4

Amah in phawk tawntung dingin a lamdang nasepnate hong bawl a, Topa dikin hehpihna nei hi.

Late 63:5

Ka lupna tungah nangmah hong ngaihsunsunin, zan thapai-in kong lungngaihngaih ciangin guhngek le sathau ne bangin ka lung tai mahmah a, lungdam mahmahna tawh nangmah phatna la ka sa ding hi.

Late 48:9

Pasian aw, na biakinn sungah nangma itna kip ka ngaihsun uh hi.

Late 42:4

Ka lungsim sung ka suah khia a, pawi bawl mihon khat kipakin otna le nuamna la tawh Pasianʼ inn ah ka makaihna, mihonpi tawh ka paina ka phawkkik hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

Filippi 4:4

Topa sungah lungdam tawntung un, ka hong cih sa bangin tu-in zong lungdam un, ka hong cikik hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Efesa 6:24

Tatsat loin i Topa Jesu Khris a it tawntung mi khempeuh tungah hehpihna thupha hong tung tahen.

Solomon la 4:10

Itluat ka lawm ngaih aw, nang tawh kingaih nuam mahmah hi. Na itna leenggahzu sangin khum zaw a, na paknamtui paknamtui dang khempeuh sangin namtui zaw hi.