Solomon la 1:3 - Tedim Bible Revision 2017

³ Na omna khempeuh nam vuauvuau a, na min kizaza a, nungak khempeuh in nang hong ngai hi.

Tedim Bible

³ Na omna khempeuh nam vuauvuau a, na min kizaza a, nang hong ngai lo om lo hi.

Solomon la 1:3 Referans Kwoze

Thuhilh-sia 7:1

A manpha paknamtui sangin min pha hoih zaw a, i suah ni sangin i sih ni hoih zaw hi.

Johan 12:3

Tua laitakin Mary in a manpha mahmah nard sathau namtui thawl khat hong paipih a, Jesuʼ khe a nuh khit ciangin a sam tawh a nulsak hi. Tua inn sung khempeuh sathau namtui gim hong nam hi.

Solomon la 4:10

Itluat ka lawm ngaih aw, nang tawh kingaih nuam mahmah hi. Na itna leenggahzu sangin khum zaw a, na paknamtui paknamtui dang khempeuh sangin namtui zaw hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Late 133:2

Tua pen a puan ngawng tungah Aaronʼ khamul kai suk zui-in a lu tung panin a taak suk, sathau manpha tawh kibang hi.

Mattiu 25:1

“Tua hun ciangin vantung ki-ukna zia pen zi nei thak pa a uap dingin a meivak uh tawh a pai nungak sawmte tawh kibang ding hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Solomon la 5:13

A biangte pen paknamtui a dimin a kithun thawl san kiuhkeuh tawh a kibang hi. A mukte pen myrrh paknamtui tawh a kidim unok pak tawh kibang hi.

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khris tawh a kigawm dingin nungak siangtho bang na hi uh hi.

Solomon la 3:6

Myrrh paknamtui le saledi paknamtui a kihel tawh a kibang, sumbuk a paknamtui om khempeuh a kihal khin a khu tawh a kibang, gamlak a hong khu to henhan bang ahi hiam?

Paunak 27:9

Sathau namtui le paknamtui in lung nuamsak a, lawmteʼ limbawlna in tha hatsak hi.

Solomon la 5:5

Ka ngaihno tumsak dingin ka kithawi a, ka khutte myrrh paknamtui tawh ka zut a, ka khutmete myrrh paknamtui ka nuh a, kong a hong dingin a honna ka len hi.

Paikhiatna 33:12

Moses in Topaʼ kiangah, “Thei in; nangmah in keima kiangah, ‘Hih mite paipih to in,’ nong ci hi. Ahih hangin kei tawh nong sawl khop ding mi kei nong theisak nai kei hi. Ahi zongin nangmah in, ‘Na minin nang kong thei a, ka mai ah maipha zong na mu khin hi,’ nong ci khin hi.

Solomon la 6:8

Kumpi-zi sawm guk, kumpi zineu sawm giat, sim zawh lohin nungak tampi om kha dinga,

Paikhiatna 33:19

Amah in, “Keima hoihna khempeuh na mai ah ka paisak dinga, na mai ah keima min, ‘Topa’ cihna ka pulak ding hi. Ka diknopna mite tungah ka dik dinga, ka hehpih nop mite ka hehpih ding hi.