Solomon la 1:2 - Tedim Bible Revision 2017

² Na muk tawh nong tawp a, na hong itna leenggahzu sangin khum zaw hi.

Tedim Bible

² Na muk tawh nong tawptawp a, nong itna in leenggahzu sangin khumzaw hi.

Solomon la 1:2 Referans Kwoze

Solomon la 4:10

Itluat ka lawm ngaih aw, nang tawh kingaih nuam mahmah hi. Na itna leenggahzu sangin khum zaw a, na paknamtui paknamtui dang khempeuh sangin namtui zaw hi.

Solomon la 1:4

Hong kai inla zawltai ni. Ka kumpi hong hi inla, na inn ah hong ciahpih in. Nang tawh om leeng i lung dam hi; leenggahzu ne-in nuamsa ni. Nang kong ngaih khak tuahpha ing.

Late 36:7

Pasian aw, na itna kip manpha mahmah hi. Mihing tate na kha liim ah bu uh hi.

Luka 15:20

Tua ahih manin amah kithawi-in a pa kiangah a ciahkik dingin a pai hi. Ahi zongin inn a tun ma-in a pa in na gal muh a, hehpihhuai sa mahmah ahih manin va delhin, a tapa ngawng kawi-in a nam hi.

Mattiu 26:26

Tua bangin an a nek laitakun, Jesu in anlum la-in lungdamna a koh khit ciangin balnen a, a nungzuite kiangah pia-in, “La unla ne un; hih pen ka pumpi ahi hi,” a ci hi.

Isaiah 25:6

Vanglian Topa in hih mual tungah mi khempeuh adingin an lim nekna pawi, a ciil mahmah leenggahzu nekna pawi, guhngek tawh a kidim annekna, a siangtho leenggahzu ciil nekna pawi bawl ding hi.

Solomon la 7:12

Zingsangin tho baihin leengguite a sel nai hiam, leengguite a pak nai hiam, mang kawlsing kungte a pak nai hiam, i en ding hi. Tua lai munah kong itna letsong kong pia ding hi.

Solomon la 7:9

Na kam, leenggahzu bangin khum zungzung hi. Ka ngaihno tungah leenggahzu khum luang henla, a muk a ha tawk kim hen.

Solomon la 2:4

Annekna phualah hong paipih inla, itna mai tawh hong en in.

Sawltak 21:7

Taia khua panin teembaw tawh pai-in Tolemais khua ka tung uh a, tua lai ah thu um mite kiangah sun khat kulhin amaute tawh ka kiho uh hi.

Solomon la 7:6

Itluat aw na ngaihbaang a, na mel kong muh nuam zungzung hi.

Solomon la 5:16

A kampaute khum zungzung a, a vekin, deih loh ding khat zong om lo hi. Ka ngaihno, hih bang teng hi, Jerusalem nungakte aw.

1 PETER MASA 5:14

Khristian ki-itna tawh khatlekhat kinamin na kihopih un. Khris thu um note khempeuh tungah nopsakna thupha hong tung tahen.

Piancilna 45:15

Tua ciangin a kah kawmin a sanggamte khempeuh ngawng kawi-in a nam hi. Tua khit ciangin a sanggamte in amah hopih uh hi.

Piancilna 29:11

Tua ciangin Jakob in Rachel nam a, a gingin kap khia hi.