Sawltak 9:6 - Tedim Bible Revision 2017

⁶ Ahi zongin tho-in khuapi sungah lut in; tua lai panin na gamtatna ding teng hong kigen ding hi,” a ci hi.

Tedim Bible

⁶ Ahih hangin tho in la, khua sungah tum in, na gamtat nadingin thu hong kihilh ding hi,” a ci hi.

Sawltak 9:6 Referans Kwoze

Sawltak 22:10

Tua ciangin kei zong, ‘Topa aw, bangci gamtat ding ka hi hiam?’ ci-in ka dot ciangin amah in, ‘Tho inla, Damaskas khua ah pai in. Nangʼ hih dingin Pasian in a seh sa thu khempeuh, tua khua panin hong kigen ding hi,’ a hong ci hi.

Sawltak 26:16

Tu-in tho-in na khe-in ding in. Keima na a sem dingin a hong sawl dingin nang tungah a hong kilang ka hi hi. Tu ni-a kei nong muhna thu teng le nang tungah ka hong lah lai ding thu khempeuh, midangte tungah a gen ding na hi hi.

Filippi 2:12

Tua ahih ciangin ka hong it sanggamte aw, note tawh ka hong om khawm lai-in ka thu na hong man tawntung uh mah bangin, tu-in note tawh ka hong om khawm loh hun ciangin zong ka thu na hong man ding uh thupi zaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

ROM (Romans) 10:20

Tua banah Isaiah in Pasianʼ min tawh hang takin thu na gen a, “Kei hong zong lo mite in kei hong mu uh a, kei hong kan lo mite tungah ka kilak hi,” ci-in na gen hi.

ROM (Romans) 10:3

Amaute in Pasian tawh kipawl theih nading lampi man thei loin amau theih tawmna tawh hanciam kha uh ahih manin amah tawh kipawl theih nadingin lampi a khun zui kha lo uh hi.

ROM (Romans) 7:9

Thukham ka theih ma-in mi nungta ka hi ngei a, thukham ka theih ciangin mawhnopna lungsim hong khangin kei ka si hi.

ROM (Romans) 5:20

Khialhna a tam semsem nadingin thukham hong kipia hi. Ahi zongin khialhna a tamna munah Pasianʼ hehpihna hong lian zaw zel hi.

Sawltak 10:32

Simon Peter a kici mipa a sam dingin Joppa khua ah mi sawl in. Amah pen savunnim nasepin nei-in tuipi gei ah a teeng Simonʼ inn ah zin tungin a om hi,’ hong ci hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zak theih nadingin a inn ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Sawltak 10:6

Tua mipa pen, tuipi gei-a teng savunnim nasepin a nei Simon inn ah zin tungin a om ahi hi,” a ci hi.

Sawltak 2:37

Amaute in hih thu a zak uh ciangin a lungsim uh nakpi takin su kha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi.

Luka 3:10

Tua ciangin mihonpite in, “Tua bang ahihleh bangci gamtat ding ka hi uh hiam?” ci-in a dot uh ciangin

Mattiu 19:30

Ahi zongin tu hun laitakin a lian mi tampite tua hun ciangin a neu suak dinga, tu hun laitakin a neu tampite tua hun ciangin a lian hi ding uh hi.

Habakkuk 3:16

Hih thute khempeuh ka zak ciangin ka pumlinʼ a, lau lua-in ka muk liing sapsap hi. Ka guh ka taang hong zen a, guh nei lo bangin ka puk cip suk hi. Ko hong sim gawp mite Pasian in gim a piak ding hun daitakin ka ngak khikhe ding hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

Isaiah 57:18

“Amauʼ mawh gamtatnate a vekin ka mu khin a, ahih hangin amaute ka damsak ding hi. Amaute makaihin ka hehnem dinga, a dah a kapte hehnemin ka lungdamsak ding hi.

Late 94:12

Topa aw, migilote adingin gum khat a kitawh hun mateng, haksat hun sungteng a tawlngak theih nadingin na thukham na hilh mi, na thuhilh mi, mi nuamsa ahi hi.

Late 25:12

Topa a zahtak mi kua ahi hiam? Ama lampi zuih ding Pasianʼ hilhna a ngah mi ahi hi.

1 SAMUEL MASA 28:5

Saul in Filistia galkapte a muh ciangin lau a, a lungsim nakpi takin liing hi.

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasianʼ hong hehpihna lian zaw hi.

1 SAMUEL MASA 16:3

Biakpiakna ah Jessi sam in. Na hih ding teng na tungah kong lak dinga, nang tungah a min kong gen pa sathau nong nilhsak ding hi,” a ci hi.

Ezekiel 2:1

Tua awging in, “Mihing ahi Ezekiel aw, ding to in. Nang tungah thu kong gen nuam hi,” hong ci hi.

Ezekiel 3:22

Ka sungah Topaʼ vangliatna hong om lamtak ka phawk a, amah in kei kiangah, “Ding inla, kuam sungah va pai in. Tua lai mun panin nang kiangah thu kong gen ding hi,” hong cihna ka za hi.

Sawltak 9:5

Saul in, “Topa aw, kua na hi hiam?” ci-in a dot ciangin, “Na hong bawlsiat Jesu ka hi hi.