Sawltak 9:5 - Tedim Bible Revision 2017

⁵ Saul in, “Topa aw, kua na hi hiam?” ci-in a dot ciangin, “Na hong bawlsiat Jesu ka hi hi.

Tedim Bible

⁵ Saul in, “Topa aw, kua na hi hiam?” ci-in a dong hi. Zeisu in, “Na hong bawlsiat Zeisu ka hi hi, ciang hiam na khe tawh peek leteh a haksa hi;

Sawltak 9:5 Referans Kwoze

1 TIMOTI MASA 1:13

A beisa hunah amah gensia-in, simmawh bawlin, ama mite a bawlsia pa ka hih ngei tei hangin ama thu ka up nai loh manin theih lohna tawh a gamta ka hih manin Pasian in kei hong hehpih hi.

JOB (Job) 9:4

Amah pil mahmah a, vanglian mahmah hi. Kua in khauh takin nial a, nial paisuak zo ahi hiam?

Sawltak 26:9

“Nazareth khuami Jesuʼ min a siattheih nadingin langpangin nial ding hi, ci-in kei mahmah in ka ngaihsun ngei hi.

Isaiah 45:9

Amah a Bawlpa tawh a kido mipa, beelseek pa tawh a kilehdo leibeel in gimna ngah tahen! Tungman in amah a sek pa kiangah, “Nang in bang bawl na hi hiam, na na bawl in khutlet nei lo hi,” ci-in a thu sel ngam ahi hiam?

1 KORIN MASA 10:22

A nih tuakah kihel khawm lehang Topa a heh nadingin a gamta ihi dinga, eite pen Topa sangin i hat zaw het kei hi.

Sawltak 5:39

Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Hon khia pa thusim lo uh hi.

Sawltak 9:4

Saul, leilak ah puk suk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

Sawltak 9:6

Ahi zongin tho-in khuapi sungah lut in; tua lai panin na gamtatna ding teng hong kigen ding hi,” a ci hi.

Sawltak 10:14

Ahi zongin Peter in, “Topa aw, tuate go-in ka ne het kei ding hi. A ninin a kingaihsun peuhmah ka ne ngei het kei hi,” ci-in a dawng hi.

Sawltak 26:14

Ka vekpi-un leilak ah ka puk uh a, tua laitakin kei kiangah Hebru pau tawh thu hong kigen a, ‘Saul, Saul aw, bang hangin kei hong bawlsia na hi hiam? Bawngtal in a hawlteʼ ciangzum peek le na a sak zawk bangin keiʼ thu nong nial manin nang adingin na zaw hi,’ hong ci hi.

Filippi 3:12

Ahi zongin ka utna tung khin ing, cingtaak khinta ing, a ci ka hi kei hi. Khris Jesu in kei adingin a hong sepsak hamphatnate kimtakin ka ngah theih nadingin a hanciam lai ka hi hi.