Sawltak 9:41 - Tedim Bible Revision 2017

⁴¹ Peter in a khut khakin a ding tosak hi. Tua ciangin thu um meigong numeite a kipanin thu um khempeuh samkikin amaute kiangah Dorkas a nungta-in a lak hi.

Tedim Bible

⁴¹ Ama mit hak a, Piter a muh ciangin tho-in, a tu hi. Piter in a khut lenin a din’sak khit ciangin misiangthote leh meigongte sam a, Dorkas a nungta-in a lak hi.

Sawltak 9:41 Referans Kwoze

Sawltak 6:1

Tua khit ciangin thu um mi hong tam tektek a, Jew mite le Grik pau a zang Jew mite kikalah kiphunsanna thu hong om hi. Grik pau a zang Jew mite in, “Annek tui dawn, sumlepai hawmna ah ka meigong numeite uh hong kipiaksak lo hi,” ci-in lungkim lo uh hi.

Marka 1:31

Amah zong tua nu kiangah pai a, a khutin lenin a phong to hi. A natna dam a, a zinte zong a do zo pah hi.

Sawltak 20:12

Amaute in tua tangvalpa a inn ah va kha uh a, a lungsim uh nuamkik mahmah hi.

Sawltak 3:7

a taklam khutin lenin kai to a, thakhat thu-in a khe le a siakmitte hong khauh pah hi.

Luka 7:15

Misi pa zong hong tu to-in hong pau pah hi. Tua ciangin Jesu in a nu kiangah a ap hi.

Luka 7:12

Tua khuakulh kongpi a tun laitakun misi vui a hong pai mihon tawh a kituak uh hi. A misi pen meigong khatʼ tapa khat neihsun hi a, tua khua sung mihon tampite in tua si vuina ah meigongnu hong zui uh hi.

Late 146:9

Topa in peemtate kem a, meigong numeite le pa nei lote a huh hi. Ahih hangin amah in migiloteʼ vaihawmna a suksiatsak hi.

JOB (Job) 29:13

A lungkham a cimawhte in kei hong phat uh a, meigong numeite a lungnuamin ka omsak hi.

1 KUMPI MASATE 17:23

Tua ciangin Elijah in naupang la-in inn khumzang panin inn sungah paipih suk a, a nu kiangah a pia hi. Tua ciangin Elijah in, “En in, na tapa nungta hi,” a ci hi.

Piancilna 45:26

Amaute in ama kiangah, “Josef nungta lai a, amah pen Egypt gam khempeuh a ukpa na hi hi,” hong ci uh hi. Amah in amauteʼ thugen um lo ahih ciangin a lung si hi.

Sawltak 9:13

Ahi zongin Ananias in, “Topa aw, hih mipa in Jerusalem khua-a om nangma mite a bawlsiatna thu khempeuh, mi tampi tak in kei tungah hong gen khinzo uh hi.

Sawltak 9:32

Peter khualzinin pai kawikawi a, khatvei Lydda khua-a teng Pasianʼ mite kiangah a hawh hi.

1 TIMOTI MASA 5:3

Meigong taktak ahi numeite zahtak bawl in.

1 TIMOTI MASA 5:5

A kem a khoi ding a om lo meigong taktak ahi numeite in Pasian bek mah muan le suanin nei-in, a sun a zanin Pasianʼ huh ding deihin thu ngen tawntung uh hi.

2 KUMPI NIHNATE 6:7

Tua ciangin amah in, “La to in,” a ci hi. Tua ahih ciangin amah in a khut zanin a heitang a la hi.