Sawltak 9:4 - Tedim Bible Revision 2017

⁴ Saul, leilak ah puk suk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

Tedim Bible

⁴ Amah in lei tungah puksuk a, “Saul aw, Saul aw, bang dingin kei hong bawlsia na hi hiam?” a cihna aw a za hi.

Sawltak 9:4 Referans Kwoze

Zekhariah 2:8

Hih bangin maang ka muh khit ciangin, ama miteʼ na a sut gawp minam dangte kiangah thu a gen dingin Vanglian Topa in kei hong sawl a, Topaʼ mite a su mi peuhpeuh in a mitnauta bangin a manpha pen khat a su ahi hi.

1 KORIN MASA 12:12

Pumpi pen khat bek hi napi-in na a tuamtuam a nei hi. Pumpi in na a tuamtuam tampi a neih hangin pumpi khat bek mah ahih veve mah bangin Khris zong pumpi na a tuamtuam a nei pumpi khat ahi hi.

ROM (Romans) 11:22

Hih thu ah Pasian a migit mahmahna le a khauh mahmahna i mu hi. A khial mite tungah khauh mahmah a, ama migitna a kizop paisuak theih nadingin na up paisuak nak uh leh note tungah hong migi mahmah hi. Ahi zongin na zop paisuak kei uh leh note zong hong kisat khia ding hi.

Isaiah 63:9

Vantung miteʼ hotkhiat hi loin, Topa mahmah in amaute hon khia hi. A itna le a hehpihna tawh amaute hon khia a, amah in a beisa hun khempeuh ah amaute hoihtakin a kem hi.

Piancilna 22:11

Ahih hangin Topaʼ vantungmi in vantung panin, “Abraham, Abraham!” ci-in a sam hi. Amah in, “Hiah om ing,” a ci hi.

Piancilna 16:8

Amah in, “Saraiʼ sila numei Hagar aw, koi pan hong pai a, koi ah pai ding na hi hiam?” a ci hi. Amah in, “Ka tonu Saraiʼ kiang panin a tai khia ka hi hi,” a ci hi.

1 KORIN MASA 4:7

Note in bang kisaktheih pih na hi uh hiam? Tu-a na neih khempeuh uh Pasianʼ hong piak hi lo ahi hiam? Tua ahihleh hong kipia sa bek ahih manin a bang kisaktheih pih na hi uh hiam?

Johan 21:15

An a nek khit uh ciangin Jesu in Simon Peter kiangah, “Johanʼ tapa Simon aw, hih a dang khempeuhteʼ hong it sangin kei na hong nak it zaw hiam?” ci-in a dot ciangin amah in, “Topa aw, ka hong it zaw hi. Nang ka hong itna na thei hi,” ci-in a dawng hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Piancilna 3:9

Ahih hangin Topa Pasian in mipa samin ama kiangah, “Koi lai ah om na hi hiam?” a ci hi.

Johan 20:16

Tua ciangin Jesu in, “Mary!” a cih leh Mary zong ama lamah kihei a, “Rabboni,” ci-in a dawng hi. (Rabboni pen Hebru pau hi a, “Siapa,” a cihna ahi hi.)

Johan 18:6

Jesu in, “Keimah ka hi hi,” a cih ciangin amaute nungkinin a puk uh hi.

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Gamlak-vakna 16:45

“Tomno sungin amaute ka siatsak theih nadingin hih mihonteʼ lak panin paikhia un,” a ci hi. Tua ciangin amau tegel zong bok suk uh hi.

Paikhiatna 3:4

Tua thu a thei dingin amah a paina Topa in a muh ciangin, sawlpang kawm panin Pasian in amah sam a, “Moses, Moses!” a ci hi. Amah in, “Hiah om ing,” ci hi.

Sawltak 5:10

Amah zong thakhat thu-in si-in Peter khe kiangah a puk suk hi. Tua ciangin tangvalte hong lut uh a, a sih khit lam a muh uh ciangin pua khia-in a pasalʼ gei ah a phum uh hi.

Isaiah 6:8

Tua ciangin, “Kua sawl dinga, eite adingin kua va pai ding ahi hiam?” Topaʼ cihna aw ka za hi. Tua ciangin keʼn, “Hih lai ah kei om ing! Kei hong sawl in,” ka ci hi.

Sawltak 9:5

Saul in, “Topa aw, kua na hi hiam?” ci-in a dot ciangin, “Na hong bawlsiat Jesu ka hi hi.