Sawltak 9:19 - Tedim Bible Revision 2017

¹⁹ an a nek khit ciangin a tha hong hatkik hi. Damaskas khua ah a om thu um mite tawh tawl khat sung a om khawm hi.

Tedim Bible

¹⁹ tho-in a kibaptaiz khit ciangin an ne a, a thahat kik hi. Saul in Damaskas khua nungzuite tawh ni tawmkha omkhawm a,

Sawltak 9:19 Referans Kwoze

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

1 SAMUEL MASA 30:12

Theimoh khat le leenggahkeu bawk nih zong a pia uh hi. Amah in tuate a nek khit ciangin a tha hong dimkik hi. Bang hang hiam cih leh an ahi a, tui ahi zongin sun thum le zan thum ne lo dawn loin om hi.

Galati 1:17

keima hun ma-in sawltak na a sem khin sa mite tawh a kimu dingin zong Jerusalem khua ah ka pai tuan kei hi. Arabia gamah ka pai zaw a, tua lai panin Damaskas khua ah ka kileh hi.

Sawltak 11:26

Saul a muh ciangin Antiok khua ah a paipih hi. Kum khat sung tawntung tua lai-a om pawlpi mite tawh amau tegel om khawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi.

Thuhilh-sia 9:7

An ne-in lungdam inla, zu ne-in lungnuam in. Na gamtatna peuhpeuh Pasian in hoih a sa hi.

Sawltak 9:18

Tua laitakin Saulʼ mit panin ngasa lip tawh a kibang na pawl khat kia a, khua a mukik thei hi. Saul zong tui kiphum pah a,

Sawltak 9:26

Jerusalem khua ah Saul pai a, thu um mite tawh kipawl dingin a vaihawm hi. Ahi zongin amaute in Saul pen thu um dingin na ngaihsun zo lo uh ahih manin na kihta mahmah uh hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 11:29

Tua lai-a om thu um mite in amau hih zawh zah ciat hanciamin Judea gam a om thu um mite kiangah huhna a puak nading uh a vaihawm uh hi.