Sawltak 8:23 - Tedim Bible Revision 2017

²³ Bang hang hiam cih leh nangmah in en luatna lungsim nei-in, mawhna in hong valhcip mi khat na hih lamtak ka hong thei hi,” a ci hi.

Tedim Bible

²³ Bang hang hiam na cih leh, nangmah in a kha sinkha na nei a, mawhna kikhihna na thuak hi cih ka thei hi,” a ci hi.

Sawltak 8:23 Referans Kwoze

Isaiah 58:6

Keiʼ deih antanna hih bang pawl ahi hi: Gitlohna khaute phelin, hakkol savun khaute phel a, a kinengniam mite khah khia-in thuman lohna hakkol khempeuh suk tan ding ahi hi.

Paunak 5:22

Migilo paʼ mawhna thangzak bang hi a, ama mawhna thang sung mahah amah a awk hi.

Hebru 12:15

Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

Johan 8:34

Tua ciangin Jesu in, “A mantakin ci lehang mawhna a bawl mi peuhmah mawhnaʼ sila ahi uh hi.

2 PETER NIHNA 2:19

Amaute pen siatna a piangsak thei zongsatna lelin sila hinapi-un mite tungah suahtak nading thu a gen uh hi. Bang hang hiam cih leh mite pen, a hong zo peuhpeuhteʼ sila ihi hi.

2 PETER NIHNA 2:4

Bang hang hiam cih leh vantung mite nangawn in khialhna a neih ciangin Pasian in khah khong loin hell khuk sungah khia a, Thukhen Ni hun dong ngakin khuamial sungah kol bulh sa-in a omsak hi.

Titu 3:3

Bang hang hiam cih leh eite zong nidangin hai tatin, thumang loin, vakvai-in, duhna deihna a tuamtuamte thuak lahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

Kah la 3:19

Gimna ka thuaknate le inn le lo nei loin ka omna pen gu-kha bang hi a,

Kah la 3:5

Amah in lunggimna le gentheihna thonginn sungah a hong khumcip hi.

Jeremiah 9:15

Tua ahih manin Vanglian Topa, Israel miteʼ Pasian in kong cih in ah: En in, hih mite gamsaai-in ka vak dinga, gu tui ka dawnsak ding hi.

Jeremiah 4:18

Na lungsim le na gamtatnateʼ hangin nangʼ tungah hih thu hong tung hi. Hih pen nangma gitlohna hang hi a, na lungtang pailetin hong sun hi,” a ci hi.

Isaiah 28:22

Tua ahih ciangin tu-in, note hong kikhihna a to mahmah in kibawl kha ding ahih manin thusim loin om kei un. Bang hang hiam cih leh mihonpiteʼ Topa Pasian’ tung panin gam buppi ah siat nading thukhenna ka za khin hi.

Late 116:16

Topa aw, kei pen nangma nasem ka hi hi. Nangma nasem ka hi a, na nasem nuʼ ta ka hi hi. Keimah hong kikhihnate nong sutkhiatsak zo hi.

JOB (Job) 20:14

a gil sung a tun ciangin a kha mahmah an suakin, gu a kha mahmahte zahin kha deidai hi.

Efesa 4:31

Kimuhdahna, hehna, thangpaihna, kitotna, kikona, kilungsim neihna khempeuh beisak unla,