Sawltak 7:51 - Tedim Bible Revision 2017

⁵¹ “Na lungsim uh khauh mahmah a, lawki lungsim paii-in, Pasianʼ thu ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Tedim Bible

⁵¹ “Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Sawltak 7:51 Referans Kwoze

Thu-hilhkikna 10:16

Tua ahih ciangin Topaʼ thu mang unla, lungkhauh nawn kei un.

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasianʼ neihsa na hihna uh hong ciaptehna-in Kha Siangtho hong pia ahih manin, tua Pasianʼ Kha Siangtho na dahsak kei un.

Jeremiah 4:4

Judah mite le Jerusalem khua mite aw, Topaʼ thu zui unla, lungsim takpi tawh zui un. Na tua cih kei uh leh na bawl uh mawhnate hangin ka hehna mei bangin hong kuang khia dinga, a phelh zo kuamah om lo ding hi,” a ci hi.

Isaiah 63:10

Ahih hangin amaute in lehdo uh a, ama kha siangtho a dahsak uh hi. Tua ahih ciangin amah pen amauteʼ gal suak a, a mahmah in amaute a do hi.

Paikhiatna 33:5

Bang hang hiam cih leh Topa in Moses kiangah, “Israel miteʼ tungah hih bangin gen in: ‘Note mi lungkhauh na hi uh hi. Noteʼ lakah tomno khat sung hong pai to leng, note kong beisak ding hi. Tua ahih ciangin note kong bawl nading ka theih nadingin noteʼ tung panin na kizepnate uh suah khia un,’ ci in,” ci-in gen khinzo hi.

Paikhiatna 32:9

Topa in Moses kiangah, “Hih mite ka mu zo hi. En in, a lungkhauh mite ahi uh hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Paikhiatna 33:3

Bawngnawi le khuaizu a luanna leitang ah pai to un. Ahi zongin note hong sisak kha ding ka hih ciangin noteʼ lakah kei kong pai to kei ding hi. Bang hang hiam cih leh note mi lungkhauh na hi uh hi,” a ci hi.

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Jeremiah 6:10

Keimah in ka dawngkik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topaʼ thu simmawh uh a, lungdamna-in la lo uh hi.

Kolose 2:11

Amah tawh na kipawlna uh hangin mihingte in pumpi vun a at uh bang hi loin, Khrisʼ vun-atna ahi mawhnopna lungsim tawh kipelhna a ngah khinta na hi uh hi.

ROM (Romans) 2:25

Thukham zui le-uhcin na vun atna uh man nei takpi mah hi. Ahi zongin thukham na zuih kei uh leh na vun atna uh a mawkna a suak ahi hi.

Sawltak 7:39

“Ahi zongin i pute in ama thu na mang nuam loin, amah na nawlkhiin uh a, Egypt gamah ciahkik nopna lungsim na nei uh hi.

Sawltak 7:27

A lawmpa a bawlsia pa in Moses sawn khia-in, ‘Kote a hong uk ding le thu a hong khen dingin kua in nang hong koih ahi hiam?

Sawltak 7:9

“I pupi dangte in Josef na haza uh a, mi tungah na zuakin, a leite in Egypt gamah sal dingin a na zuak sawn uh hi. Ahi zongin Pasian in i pupi Josef na huh a,

Ezekiel 44:9

“Tua ahih ciangin Topa Pasian in tu-in kong genin ah: Vun ki-at lo gamdang mite peuhmah ka biakinn sungah lut lo ding uh a, note lakah a teeng gamdang mite nangawn lut lo ding uh hi.

Ezekiel 44:7

Keimah biakna-in sathaute le sasite nong piak uh ciangin, keima thu a mang lo, vun a ki-at lo gamdang mite a sungah na lutsak uh a, ka biakinn na ninsak uh hi. Tua bangin a muhdahhuai na gamtatnate uh tawh ka thuciamna nasiasak uh hi.

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang miteʼ khut sungah amaute na pia hi.

Thu-hilhkikna 31:27

Bang hang hiam cih leh a lehdo mite le a lungkhauh thei mite na hihna uh ka thei hi. En un, note tawh kei a nungta khawm laipi mahin, tu ni-in Topa na lehdo khin uh hi. Ka sih khit ciangin bangzah takin lehdo zaw lai ding na hi uh hiam!

Ezekiel 2:4

Amaute a lungsim uh khauhin paupeeng uh hi. Keimah Topa Pasian in amaute tungah ka gen ding thute a va gen dingin a hong sawl ka hi hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Ka thu hong mang lo uh a, ka hilhna a theih loh nadingun a lungsim uh a khauhsak uh hi.

Isaiah 48:4

Note pen paupeeng in na ngawng uh sik thagui bang hi a, na thatang uh sumngo bangin a sakna thei khin ka hih manin,

Late 75:5

Kihisak kei unla, kiphatsakna tawh kampau kei un,” ka ci hi.

Nehemiah 9:16

“‘Ahi zongin koteʼ pute pate kihisakin lungkhauh uh a, na thupiaknate mang lo uh hi.

2 KHANG TANGTHU NIHNATE 30:8

Tu-in na pute na pate uh bangin lungkhauh kei unla, note kiang panin a lauhuai ama hehna a kiheikhiat theih nadingin Topaʼ lamah kipia unla, amah in a tawntung dingin a sianthosak sa a biakinn ah Topa na Pasian uh bia un.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hin theih nadingun, Topa na Pasian un note le na suanlekhakte uh tungah thu man nopna lungsim hong guan ding hi.

Thu-hilhkikna 9:13

“Tua tham loin Topa in kei kiangah, ‘Hih mite ka mu khin a, a lungsim khauh mite ahi hi.

Thu-hilhkikna 9:6

“Tua ahih ciangin noteʼ thumanna hangin Topa na Pasian un na tan dingun hih leitang hoih note tungah hong pia ahih lohna thei un. Bang hang hiam cih leh note pen lungsim khauh mi na hi uh hi.

Paikhiatna 34:9

Amah in, “Tu-in na muhna ah maipha ka muh leh, Topa aw, kong thum hi; lungkhauh mite ka hi ta uh zongin koteʼ kiangah Topa hong pai in. Koteʼ mawhna le koteʼ khialhna hong maisak inla, nangma mi dingin kote hong sang in,” a ci hi.

Sawltak 7:35

“Moses pen Israel mite in deih loin, ‘Kote a hong uk ding le thu a hong khen dingin kua in hong koih ahi hiam?’ a cih pa uh ahi hi. Ahi zongin Moses pen sawlpang kuang sung pan ama kiangah a kilang vantungmiʼ huhna tawh ukpa le hon khia pa ahi dingin Pasian in a sawl pa ahi hi.

Gamlak-vakna 27:14

mihonpite a kitot lai-un tui phualah keimah sianthosak ding hunin Zin gamlak ah keima thu nong lehpan hi,” a ci hi. (Hihte pen Zin gamlak, Kadesh gam Meribah tui a thupiangte a cihna ahi hi.)

2 KUMPI NIHNATE 17:14

Ahih hangin amaute in a thu ngai lo uh a, Topa a Pasian uh a um lo a pu a pate uh mah bangin lungsim khauh uh hi.