Sawltak 7:44 - Tedim Bible Revision 2017

⁴⁴ “Gamlak ah a om lai-un i pute in Pasianʼ ompihna puanbuk nei uh a, Pasian in Moses tungah a gen sa, a lim ding a lah sa bang teekteekin a kibawl ahi hi.

Tedim Bible

⁴⁴ “Na muhsa lim tawh kibang ciamna puanbuk na bawl in,’ ci-in Moses kiangah a genpa in a vaikhak mah bangin gampa lakah i pate in a nei uh hi.

Sawltak 7:44 Referans Kwoze

Paikhiatna 25:40

Mual tungah nangʼ tunga hong kilak hih nate pen amauʼ lim ding bangin na bawl ding thei in.

Paikhiatna 38:21

Hihte pen siampi Aaronʼ tapa Ithamarʼ vaihawmna nuai ah Levi miteʼ sep ding Topaʼ omna ahi biakbuk adingin Mosesʼ thupiakna tawh a kisim van malte ahi hi.

Hebru 8:5

Leitung a siampiteʼ sepsepte pen vantungah a om thu, a limin a sem uh ahi hi. Bang hang hiam cih leh Moses in Puanbuk lam ding a kipat ciangin Pasian in, “Mual tungah i om lai-in a lim ding khempeuh kong lah bang teekteekin a kihih nadingin na thei in,” na ci hi.

Hebru 8:2

Amah in, miteʼ bawl ahi lo, Topa mahmah in a bawl a taktak puanbuk ahi a Siangtho Pen mun sungah siampi lianpen nasep a sem ahi hi.

2 KHANG TANGTHU NIHNATE 24:6

Tua ahih ciangin kumpipa in amauʼ ukpi Jehoiada samin ama kiangah, “Topaʼ nasem Moses in Topaʼ ompihna puanbuk a dingin Israel mihonte tung panin a khon mangmu bang hangin Judah le Jerusalem panin Levi mite khawmsak lo na hi hiam?” a ci hi.

1 KHANG TANGTHU MASATE 28:19

Nasep ding khempeuh geel sa bangin sep dingin hih thu tawh kizui-in Topaʼ genna bangin lai-in gelhna tawh amah in hihte khempeuh a siangin a hih hi.

1 KHANG TANGTHU MASATE 28:11

Tua ciangin David in a tapa Solomon tungah biakinn innliim, a innte, a van manpha koihnate, a dawl tungnungte, a dei sung nungte le hehpihna tokhom adingin inn dei a geelna;

Joshua 18:1

Tua ciangin Israel mihon buppi Shiloh ah kikhawmin tua lai ah kikhopna buk lam uh a, amauteʼ mai ah gam zawh sa-in om hi.

Gamlak-vakna 18:2

Amaute in nang hong pawlin, thuciamna puanbuk mai ah nang le na tapate na om laitakun noteʼ na hong sepsak theih nadingin na pate nam ahi Levi minam na sanggamte zong paipih in.

Gamlak-vakna 10:11

A kum nihna, a kha nihna, a ni sawm nih ni-in thuciamna biakbuk tung san panin meii kila khiato a,

Gamlak-vakna 9:15

Biakbuk a kidinsak ni-in meii in thuciamna biakbuk tuam a, nitak a kipan a zingsang dong meikuang tawh kibangin biakbuk tung sanah a om hi.

Paikhiatna 26:30

A lim ding geelna, mual tungah nang tungah hong kilak mah tawh kizui-in biakbuk na lam ding hi.

Paikhiatna 27:8

Singpekte tawh kuak nei-in biakna tau na bawl dinga, mual tungah nang tunga hong kilak sa bangin kibawl ding hi.

Joshua 3:14

Tua ahih ciangin miteʼ mai ah Thuciamna Singkuang a pua siampite tawh Jordan gal kah dingin a puanbuk uh panin mite ding khia-in,