Sawltak 7:41 - Tedim Bible Revision 2017

⁴¹ Tua ahih manin amaute in bawng no tawh a kibang lim khat bawl uh a, ganhing tawh tua milim bia-in, amauteʼ bawl tawm pasian hangin lungdamin pawi a na bawl uh hi.

Tedim Bible

⁴¹ Tua lai takin amaute in bawngno milim khat a bawl uh a, tua milim bia-in, amau khut tawh a bawl uh na tawh a lungdam uh hi. Tua ahih manin Pasian in amaute nungngat-in milim biakna sungah a piakhia hi.

Sawltak 7:41 Referans Kwoze

Nehemiah 9:18

Amaute in a kisung bawng no khat amau mah adingin bawlin, “Hih pen Egypt panin note a hong paikhiatpih na pasian uh ahi hi,” ci-in gendai mawhna lianpi a bawl uh ciangin zong,

Mangmuhna 9:20

Hih gimna tawh a si lo midangte pen amauʼ gamtatna sa panin kikhelkik nuam lo uh hi. Dawi a biaknate uh, khua a mu thei lo, khua a za thei lo, lam a pai thei lo ngun, kham, sumngo, suang le sing a kibawl milim a biakte uh khawl tuan lo uh hi.

Hosea 9:10

Topa in hih bangin gen hi: Israel kong muh cil-in hoih mahmah a, sehnel gam sunga a gah a zun kiuhkeuh leenggah tawh kibang hi. Na pu na pate uh ka muh cil-in hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun uh ciangin amaute in Baal milim bia pah uh ahih manin, amauʼ biak milimte ka muhdah zahin amaute nangawn ka mudah pah hi.

Hosea 9:1

Israel mite aw, midangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.