Sawltak 7:4 - Tedim Bible Revision 2017

⁴ Amah zong Khaldea gam panin pai khia-in Haran khua ah teeng hi. A pa a sih khit ciangin Pasian in tu-a na teenna uh hih gamah amah na lalsak leuleu hi.

Tedim Bible

⁴ Tua lai takin Abraham in Khaldea gam pan paikhia a, Haran khua tung a, a teeng hi. A pa a sih khit ciangin Pasian in tu-a a omna uh hih gamah tua khua panin a lalsak hi.

Sawltak 7:4 Referans Kwoze

Isaiah 41:9

leimong panin kong lakkhiat, leimong kiu a gamla pen mun panin ka hong sapkhiat, “Nang pen ka nasem pa na hi a, nangmah kong teel khinzo a, nangmah kong nil khia kei hi,” ka hong cih pa aw,

Isaiah 41:2

A paina peuh ah a gualzo, nisuahna panin a hong pai mipa kua in hanthawn ahi hiam? Amah in ama khut sungah minam dangte pia khin ahih manin amah in kumpite tuancil hi. Amah in a namsau tawh amaute leivui bangin bawl a, ama thal tawh buhkung leeng a bangsak hi.

Piancilna 15:7

Tua ciangin ama kiangah, “Hih leitang na neih nadingin nangma tungah a hong pia dingin Khaldea gam Ur khua panin a hong paikhiatpih pa pen keimah na Topa ka hi hi,” a ci hi.