Sawltak 7:25 - Tedim Bible Revision 2017

²⁵ Amah pen eite hong hon khia dingin Pasian in a zat ding mipa hi, ci-in a mipihte in a thei ding sa a, ahi zongin a mipihte in na thei lo uh hi.

Tedim Bible

²⁵ Pasian in ama khut tawh amaute a gumkhia ding hi ci-in a sanggamte in thei dingin Josef in a up hangin a thei kei uh hi.

Sawltak 7:25 Referans Kwoze

Kolose 1:29

Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

ROM (Romans) 15:18

Kha Siangthoʼ vangliatna tawh lim le nalamdangte zangin, Gentail mite in Pasian thu a zuih theih nadingun Khris in ka thatang le ka kam ka muk a zatna thute bekah hang takin genin ka telkheh ding hi. Tua ahih manin Jerusalem khua panin Illyrikam gam ciang dong ka zinna khempeuh ah Jesu Khris hangin Lungdamna Thu ka hilh khinzo hi.

Sawltak 21:19

Paul in amaute hopih a, Pasian in amah Paul tungtawnin Gentail mite lakah na a sepna khempeuh a banbanin a cing takin a gen hi.

Sawltak 15:7

Sau veipi a kiseel khit uh ciangin Peter hong dinga, “Lawmte aw, Gentail mite in Pasianʼ thu za-in a up theih nadingun amaute tungah Lungdamna Thu a hilh dingin sawtpi lai pekin note lak panin Pasian in kei hong teel khiatna thu na thei uh hi.

Sawltak 15:4

Jerusalem khua a tun uh ciangin sawltakte, upate le pawlpite in limtakin zin na do uh a, Pasian in na a seppihna thu, amaute kiangah a gen uh hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uh ah Pasian in na a seppihna khempeuh le Gentail mite in zong thu a up theih nadingun Pasian in lam a honsaknate khempeuh a gen uh hi.

Luka 18:34

Ahi zongin nungzuite in hih ama thugente tel zo lo uh hi. Amauteʼ tel zawh loh dingin kihem gen ahih manin, Jesuʼ gente bang a cihnopna ahi hiam, ci-in a thei kei uh hi.

Luka 9:45

Ahi zongin amaute in a cihnopna thei lo uh hi. Amaute in a theih tel loh nading mahun a kibawl hi a, bang a cihnopna hiam, ci-in Jesu kiangah lah a dong ngam kei uh hi.

Marka 9:32

A nungzuite in hih ama thuhilhna thei lo uh a, ahi zongin amah dong ngam lo uh hi.

Late 106:7

Ka pu ka pate un Egypt gamah a om lai-un nangma nasepna a lamdangte ngaihsun lo uh hi. Na itna kip a tampite phawk lo uh a, San Tuipi ah Sangpen pa hong lehdo uh hi.

2 KUMPI NIHNATE 5:1

Syria kumpipaʼ galkap a uk Naaman pen kumpipaʼ maipha a ngah ulianpi khat ahi hi. Bang hang hiam cih leh Topa in ama hangin Syria mite gualzawhna pia hi. Amah a thahat a vanglian khat hi a, ahih hangin amah a phak ahi hi.

1 SAMUEL MASA 19:5

Amah in a nuntakna pia ngamin Filistia-pa that a, Topa in Israel-te khempeuh adingin gualzawhna lianpi piangsak hi. Nangmah in hih thu na mu a, na lung a dam hi. Tua ahih ciangin bang hangin thu om lopi-in David thahna tawh a mawhbaang lo mipa tungah khial ding na hi hiam?” a ci hi.

1 SAMUEL MASA 14:45

Tua ciangin mite in Saul kiangah, “Israel-te sungah hih gualzawhna lian a piangsak Jonathan si ding ahi hiam? Hi dek peuhmah lo ding! Topa a nuntak mah bangin, a lu tunga samzang khat zong leilak ah kia lo ding hi; bang hang hiam cih leh amah in Pasian tawh tu ni-in tua thu piangsak hi,” a ci uh hi. Tua ahih ciangin mite in Jonathan hon khia uh a, amah si lo hi.

1 KORIN MASA 3:9

Kote pen Pasian adingin na a sem khawm mite ka hi uh a, note pen Pasianʼ lo na hi uh hi. Note pen Pasianʼ inn zong na hi uh hi.

Paikhiatna 2:12

Amah khuadak kawikawi a, kuamah mu lo ahih manin Egypt mipa thatin sehnel sungah a seel hi.

Sawltak 7:24

Tua bangin a mipihte lakah a va pai ciangin Egypt mite khat in a Israel mipihte khat a bawlsiatna mu a, a mipih pa a hutna-in Egypt mipa a sat lum hi.

Sawltak 7:26

A zing ciangin Israel mi nih a kilaii mu leuleu a, amaute a phelh dingin kipanin, ‘Lawmte aw, minam khat hi lo na hi uh hiam? Bang hangin khatlekhat tua ci kibawl na hi uh hiam?’ ci hi.

Thukhente 15:12

Tua ciangin amaute in Samson kiangah, “Filistia miteʼ khut sungah nang kong piak theih nadingun nangmah a hen dingin kong pai suk uh hi,” a ci uh hi. Samson in amaute kiangah, “Note mahmah in nong thah loh nading uh kei tungah hong kiciam un,” a ci hi.