Sawltak 7:2 - Tedim Bible Revision 2017

² Stefen in, “Ute pate aw, ka thugen hong ngai un. I pupi Abraham, Haran khua ah a tenma, Mesopotamia gamah a om lai-in, ama kiangah a minthang Pasian kilang a,

Tedim Bible

² “Ute naute, pate aw, na ngai ta un. Eite i pa Abraham in Haran gamah a om ma-in Mesopotamia gamah a teen’ lai takin minthan’na Pasian kilang a,

Sawltak 7:2 Referans Kwoze

Piancilna 11:31

Terah in ama tapa Abram le Haranʼ tapa, ama tupa ahi Lot le a tapa Abramʼ zi ahi a monu Sarai samin, Kanaan gam sungah a pai dingin Khaldea gam Ur khua panin amaute a paikhia khawm uh hi. Ahi zongin amaute Haran a tun uh ciangin tua munah a teeng uh hi.

Sawltak 22:1

“Pate, ute, khangualte aw, hih thu ah bangmah ka mawh lohna thu kong gen laitakin na ngai un,” a ci hi.

Late 29:3

Topaʼ awging tuipite tungah kiza hi. A minthang Pasianʼ aw ging damdam a, tui tampite tungah Topaʼ aw kiza hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Nehemiah 9:7

Nang pen Abram teelin Khaldea gam Ur khuapi panin paikhiat pihin Abraham min a phuak Pasian, Topa na hi hi.

Piancilna 15:7

Tua ciangin ama kiangah, “Hih leitang na neih nadingin nangma tungah a hong pia dingin Khaldea gam Ur khua panin a hong paikhiatpih pa pen keimah na Topa ka hi hi,” a ci hi.

Mangmuhna 4:11

“Koteʼ Topa Pasian aw, nangmah in na khempeuh piangsakin, nangma deihna bangin na khempeuh omin, na khempeuh kipiangsak ahih manin, minthanna, pahtawina, le vangliatna na ngah tawntung dingin a kilawm hi,” a ci uh hi.

1 KORIN MASA 2:8

Hih leitung a uk mite kuamah in hih pilna thu thei lo uh hi. Thei hi le-uh, a minthang Topa pen singlamteh tungah na that lo ding uh hi.

Sawltak 23:7

Tua thu a gen khit phetin Saddusi mite le Farisi mite kitawng pah uh a, tua uliante khen nih a pha uh hi.

Johan 12:41

Isaiah in Jesuʼ neih Pasianʼ pianzia mu ahih manin hih bangin thu a gen ahi hi.

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

Mattiu 6:13

Ze-etna lian hong thuaksak keʼn. Giloʼ kiang pan hong hon khia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Isaiah 51:2

Na pa uh Abraham le noteʼ pianna Sarah ngaihsun dih un. Bang hang hiam cih leh khat bek ahih laitakin amah ka sam khia a, amah thupha pia-in tampi ka phasak hi.

Isaiah 6:3

Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Late 24:10

Hih a minthang Kumpipa kua ahi hiam? Vanglian Topa, minthang Kumpipa ahi hi.

Late 24:7

Minthang Kumpipa hong tum theih nadingin, kulh kongpite lian hon unla, tanglai kongkhakte gol hon un.

Joshua 24:2

Tua ciangin Joshua in mi khempeuh tungah, “Israel Pasian, Topa in hih bangin thu gen a, ‘Tanglai-in Eufratis gun gal khat ah na pu na pate uh teng ngei a, tuate lakah Abraham le Nahorʼ pa Terah pen khat bek ahi hi. Na pu na pate un pasian dangte bia uh hi.

Piancilna 29:4

Jakob in amaute kiangah, “Sanggamte aw, koi pan a hong pai na hi uh hiam?” a ci hi. Amaute in, “Haran pan hi ung,” ci uh hi.

Piancilna 12:5

Abram in ama zi Sarai, a sanggampaʼ tapa Lot, amauʼ kaihkhop sa neihsa khempeuh le Haran a amauʼ neih sila khempeuh samin, Kanaan gamah a pai dingin amaute ding khia uh a, tua gam a tung uh hi.

Piancilna 12:1

Topa in Abram kiangah, “Na gam, na beh le na paʼ inn panin nang kong lah ding gamah pai in.

Isaiah 37:12

Ka pu ka pate un a suksiat minamte, Gozan minam, Haran minam, Rezef minamte le Telassar khua-a om Eden mite pen amauʼ pasian-te in hon khia zo ahi hiam?

Sawltak 7:1

Tua ciangin siampi lianpen pa in Stefen kiangah, “Tu-a amauteʼ gen bang takpi mah ahi hiam?” ci-in a dot ciangin

Efesa 1:17

i Topa Jesu Khrisʼ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

Hebru 11:8

Pasian in ama tungah piak dingin a ciam leitang ah Abraham a pai dingin a sap lai-in Abraham in Pasianʼ sapna a manna pen a upna hang mah ahi hi. A pai nading mun nangawn thei lopi-in a gam le a lei nusia-in a ding khia hi.

Jeim 2:1

Sanggamte aw, minthanna vang tawh a kidim i Topa Jesu Khris umin na om laitakun a pualam a kilang pian ziate siksanin mi na deidan kei un.