Sawltak 6:7 - Tedim Bible Revision 2017

⁷ Tua bangin Pasianʼ thu kizelin hong khang semsem hi. Jerusalem khua sungah thu um mi tampi tak hong kibehlap a, siampi tampi tak in zong Lungdamna Thu a hong um uh hi.

Tedim Bible

⁷ Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Sawltak 6:7 Referans Kwoze

Sawltak 19:20

Tu-a bang danin Topa thu nakpi takin hong khangin hong kizel semsem hi.

Sawltak 12:24

Ahi zongin Pasianʼ thu kizelin a khang semsem hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuh ah a kizel ahi hi.

Hebru 5:9

Tua bangin a cingtaak mi a suah khit ciangin ama thu a mang mite khempeuh adingin tawntung hotkhiatna a kipatna hong suak a,

ROM (Romans) 16:26

Ahi zongin mi khempeuh in Pasian umin a zuih theih nadingin tu-in kamsangteʼ laigelhnate le a nungta tawntung Pasianʼ thupiakna tawh tua thu ki-imcip pen a hong kipholak ta ahi hi.

ROM (Romans) 1:5

Minam khempeuh in ama thu umin a zuih theih nadingun Khris hangin sawltak nasep sep theih nading hamphatna thu Pasian in Khrisʼ na sep nadingin kote a hong pia hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Hebru 11:8

Pasian in ama tungah piak dingin a ciam leitang ah Abraham a pai dingin a sap lai-in Abraham in Pasianʼ sapna a manna pen a upna hang mah ahi hi. A pai nading mun nangawn thei lopi-in a gam le a lei nusia-in a ding khia hi.

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mi that bangin sikkol hong kibulh hi. Pasianʼ thu ahihleh sikkol kibulh thei lo hi.

2 THESALONIKA NIHNA 1:8

Pasian a thei lo mite le i Topa Jesu tawh kisai Lungdamna Thu a um lo mite tungah gimna a tungsak ding hi.

Sawltak 21:20

Ama thugen teng a zak khit uh ciangin a vekpi-un Pasian a phat uh hi. Tua ciangin Paul kiangah, “Sanggam aw, hih lai ah na theih ding thu khat om hi. Hih lai ah thu um Jew mi tampi tak om a, amaute in thukham nak zuih mahmah uh hi.

Sawltak 13:8

Ahi zongin tua mitphial siampa Elymas (a Grik min) in Barnabas le Saul na nial a, gam ukpa in Pasianʼ thu a up theih loh nadingin a na hanciam hi.

Johan 12:42

Tua bang hitaseleh Jew mi ulian tampi in Jesu a um uh hi. Ahi zongin Farisi mite in kikhopna inn panin a hawlkhiat ding lau uh ahih manin a kilangin gen khia ngam lo uh hi.

Luka 2:34

Tua ciangin Simeon in amaute thupha a piak khit ciangin naungekʼ nu Mary kiangah, “Hih naungek pen, Israel mite sungah mi tampi in siatna a ngah nading le mi tampi in hotkhiatna a ngah nading ahi hi. Mi tampi in hih naungek nial ding uh a,

Mattiu 19:30

Ahi zongin tu hun laitakin a lian mi tampite tua hun ciangin a neu suak dinga, tu hun laitakin a neu tampite tua hun ciangin a lian hi ding uh hi.

Late 132:16

Ka hotkhiatna thu, a siampite ka taangkosak dinga, a mi siangthote lungdamin la sa-in awng ding uh hi.

Late 132:9

Na mite na hotkhiatna thu, na siampite in taangko henla, na mi siangthote lungdamin awng ta uh hen.

2 KHANG TANGTHU NIHNATE 30:24

Bang hang hiam cih leh Judah kumpipa Hezekiah in biakpiak nadingin a kikhawmte tungah bawngtal tul khat le tuu tul sagih pia a, uliante in a kikhawmte tungah bawngtal tul khat le tuu tul sawm pia uh hi. Siampite tampi tak amau mah kisiansuah uh hi.

2 KHANG TANGTHU NIHNATE 29:34

Ahih hangin siampite a mi tawm lua uh ahih manin meihal biaknate khempeuh a vun hawk khinzo lo uh a, siampi dangte a kisiansuah ma sungteng, a sanggam uh Levi mite in nasep a kizawh mateng amaute huh uh hi. Bang hang hiam cih leh kisiansuahna thu ah siampite sangin Levi mite ngentel zaw uh hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Sawltak 6:1

Tua khit ciangin thu um mi hong tam tektek a, Jew mite le Grik pau a zang Jew mite kikalah kiphunsanna thu hong om hi. Grik pau a zang Jew mite in, “Annek tui dawn, sumlepai hawmna ah ka meigong numeite uh hong kipiaksak lo hi,” ci-in lungkim lo uh hi.

Galati 1:23

“Ei a hong bawlsia ngei mipa in a maimansak nop Khris upna thu mah a hilhhilh hi,” ci-in a kigenna thu a zak bek uh ahi hi.

Galati 6:10

Tua ahih ciangin hunhoih i ngah simin midangte tungah a hoihin i gamta dinga, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmah in ka om laitakin Pasian in ama mite tungah a tawntungin a kimang dingin khatvei bek a hong piak upna thu ah note in na nawk suak nadingun hanthotna gelh ding a kisapna thu ka phawk hi.

Juda 1:20

Ahi zongin ka it note na hih uh leh a siangtho na upna uh ah na kip semsem unla, Kha Siangtho vangliatna tawh thu na ngen un.