Sawltak 6:3 - Tedim Bible Revision 2017

³ Tua ahih ciangin sanggamte aw, note lak panin pilna le Kha Siangtho a nei mihing sagih hong kiteng khia unla, hih thute a vaihawm dingin i koih ding hi.

Tedim Bible

³ Tua ahih ciangin ute naute aw, Kha Siangtho tawh ahi zongin, lungpilna tawh ahi zongin a kidim leh zahtakna a ngah, nomau lakah pasal sagih zong un la, hih na a sem dingin kote in ka koih ding uh hi.

Sawltak 6:3 Referans Kwoze

Thu-hilhkikna 1:13

Na minam uh tawh a kizui-in a pil, thu thei, thuphawk sa mite teel unla, noteʼ lutangin amaute ka koih ding hi,’ kong ci hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

3 JOHAN THUMNA 1:12

Mi khempeuh in Demetrias phatkim uh a, a manin ama gamtatna mahmah in hih thu a manna hong kilangsak hi. Kote in zong ama hoihna ka thei uh a, tua ama hoihna ka gennate uh a thuman ahi hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin om zaw un.

1 KORIN MASA 16:3

Kei ka hong tun ciangin Jerusalem khua ah na huhna uh sumte a puak dingin hoih na sak uh mite sawlin, lai tawh i paisak ding hi.

Sawltak 22:12

“Tua khua ah Ananias min nei, Thukham limtakin zui-in biakna hahkat mahmah, Damaskas khua-a om Jew mite in a zahtak mahmah mi khat a na om hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zak theih nadingin a inn ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Sawltak 6:6

Amaute in sawltakte kiangah hih mite paipih uh a, sawltakte in a lu tung uh ah a khut uh nga-in thu a ngetsak uh hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

Sawltak 1:21

“Tua ahih ciangin Topa Jesuʼ thawhkikna thu teci pangin a hong genpih dingin Judas tangin mi khat i lak ding kisam hi. Tua mipa pen Johanʼ tuiphum kipat hun a kipanin Jesu vanah a kilaktoh hun ciang dong, Jesuʼ nasepna khempeuh ah eite tawh a om khawm mi khat ahih ding kisam hi,” a ci hi.

Mattiu 23:8

Ahi zongin note pen, ‘Sia,’ na kicih ding uh hi lo hi. Sia khat bek na nei uh a, no a dangte khempeuh unau khat na hi uh hi.

Isaiah 28:26

Bang hang hiam cih leh amah a manin kihilh a, ama Pasian in amah hilh hi.

Isaiah 28:6

Thukhenin a tupa tungah thutang lungsim guan dinga, khuapi kulh hong luh galte a not khia ding mite tungah hanna lungsim guan ding hi.

1 KORIN MASA 12:8

Kha Siangtho in mi khat tungah thuthuk pilna hong guan a, tua Kha Siangtho mah in a dang khat tungah thugen siamna hong guan hi.

Sawltak 16:2

Lystra khua le Ikonium khua-a om thu um mite in Timoti pen a zahtak mahmah uh mi khat ahi hi.

Sawltak 15:23

a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam le Silisia gam a om thu upna sungah sanggam ahi Gentail mite tungah hopihna kam kong khak uh hi.

Sawltak 9:30

A lawmte in hih thu a phawk uh ciangin Sisaria khua ah Saul paipih suk uh a, tua lai panin Tarsas khua ah a ciahsak uh hi.

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi le sumgolh a mudah mi, misiamte na teel khia ding hi. Tua bang mite pen a tul, a za, a sawm nga, a sawmte tungah a uk dingin na koih ding hi.

Johan 21:23

Tua ahih manin hih nungzui pa si lo ding hi, ci-in a nungzuite lakah a kigen hi. Ahi zongin Jesu in, “Amah si lo ding hi,” a ci hi loin, “Ka hong paikik mateng amah a nungta dingin ka deih nakleh nang bang phamawh sa na hi hiam?” a ci bek ahi hi.

Sawltak 1:15

Tua khit a sawt loin thu um mi za khat le sawm nih bang a kikhop khawm laitakun Peter hong dingin thu hong gen a,

Sawltak 6:2

Tua ahih manin sawltak sawm le nihte in thu um mi khempeuh samin kaikhawm uh a, “Kote in Pasianʼ thu hilh ding don man lo liangin an nek tui dawn sumlepai vai ah kong manlah ding uh kilawm lo hi.

Sawltak 6:5

A vekpi-un sawltakteʼ thugente thukimpih uh ahih manin, Kha Siangtho tawh kidimin upna a nei Stefen, Filip, Prokhoras, Nikanor, Timon, Parmenas le Antiok khua pan Gentail mi ahi Jew biakna a zui Nikolas a teel uh hi.

Sawltak 28:14

Tua khua ah thu um mi pawl khat tawh ka kimu uh a, nipikal khat sung hong taam un, ci-in hong kho uh hi. Tua bang danin Rom khua ka tung uh hi.