Sawltak 6:10 - Tedim Bible Revision 2017

¹⁰ Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Tedim Bible

¹⁰ Amaute in Stefen in a zat lungpilna leh Kha Siangtho’ piak kammalte a nial zo kei uh hi.

Sawltak 6:10 Referans Kwoze

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

1 KORIN MASA 2:4

thu kong hilh ciangin zong leitung mipilteʼ zat kammalte le siamnate ka zang kei a, Pasianʼ Kha Siangtho vangliatna tawh thu kong hilh hi.

Johan 7:46

Palikte in, “Hih mipaʼ thugen bangin a gen kuamah om nai lo hi,” a cih uh ciangin

JOB (Job) 32:8

Ahi zongin mihingte tungah a hong tung pilna pen Vanglian Pasianʼ kha in a hong piak ahi hi.

Paikhiatna 4:12

Tua ahih ciangin tu-in pai in. Keimah in na thugenna ah kong huh dinga, na thugen ding nang kong hilh ding hi,” a ci hi.

Luka 1:17

Amah pen kamsang Elijah mah bangin thahatna le vangliatna tawh Pasian mai ah hong mapai ding hi. Pate le tate kilemsakkikin, mihoihteʼ lungsim bang a neih nadingun thumang lo miteʼ lungsim heisak dinga, Topa adingin a kilawm dingin mite a bawl khol ding hi,” a ci hi.

Sawltak 7:51

“Na lungsim uh khauh mahmah a, lawki lungsim paii-in, Pasianʼ thu ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Ezekiel 3:27

Ahi zongin nang kong hopihkik ciangin kong pau theisakkik dinga, amaute kiangah, ‘Topa Pasian in hih bangin ci hi,’ na ci ding hi. Tua ciangin mi pawl khat in na thu hong ngai ding uh a, ahi zongin amaute pen a lehdo thei minam ahih uh manin pawl khat in na thu hong ngai lo ding uh hi,” a hong ci hi.

JOB (Job) 32:18

Thu a gen dingin kha in kei hong sawl a, tu taktak ciangin ka kam ka ki-ip zo nawn het kei hi.

Sawltak 5:39

Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin Topaʼ kha le a vang tawh ka kidim a, thutang gen ngam nading lungsim ka nei hi.

Jeremiah 15:20

Hih mite tungah sumngo a kibawl khua kulhpi kong bangsak dinga, amaute in a hong sim uh hangin a hong zo kei ding uh hi. Bang hang hiam cih leh a hong hon khia ding le a hong suaktasak dingin nang ka hong ompih hi, Topa in ka hong ci hi.

Isaiah 54:17

Nangmah do nadingin a kibawl hiam peuhmah maavang lo dinga, thukhenna sungah na langah a pang mi khempeuh na nial gawp zo ding hi. Hih thu pen Topa’ nasemteʼ gamhluah le keima kiang panin amauteʼ dikna a kilahna ahi hi, Topa in ci hi,” a ci hi.

Sawltak 6:9

Ahi zongin mi pawl khat in Stefen langpan uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kiseel dingin hong kipan uh hi.

Sawltak 6:11

Tua ciangin amaute in mi cialin sumgolh pia uh a, “Moses le Pasian langpangin thu a genna ka za uh hi,” cisak uh hi.