Sawltak 6:1 - Tedim Bible Revision 2017

¹ Tua khit ciangin thu um mi hong tam tektek a, Jew mite le Grik pau a zang Jew mite kikalah kiphunsanna thu hong om hi. Grik pau a zang Jew mite in, “Annek tui dawn, sumlepai hawmna ah ka meigong numeite uh hong kipiaksak lo hi,” ci-in lungkim lo uh hi.

Tedim Bible

¹ Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.

Sawltak 6:1 Referans Kwoze

Sawltak 2:41

Mi tampi in ama thugen umin tui kiphum uh a, tua ni-in mihing tul thum bang kibehlap uh hi.

Jeim 5:9

Sanggamte aw, Pasian in note tungah thu hong khen khak loh nadingin khatlekhat na kiphunsan kei un. Thukhen ding pa hong nai mahmah ta a, hong tung dektak ta hi.

Sawltak 9:39

Peter zong kithawi-in a samte tawh pai khawm pah a, tua khua a tun ciangin inn dei tungnung ah a na paipih to pah uh hi. Tua lai ah a na om meigong numei khempeuh in Peter na umcih uh a, Dorkas a hin lai-in amaute adingin a bawlsak puan-akte le puan tungsilhte, a kah kawmun Peter kiangah a lak uh hi.

Sawltak 6:7

Tua bangin Pasianʼ thu kizelin hong khang semsem hi. Jerusalem khua sungah thu um mi tampi tak hong kibehlap a, siampi tampi tak in zong Lungdamna Thu a hong um uh hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Filippi 3:5

Ka suah zawh a ni giat ni-in ka vun a ki-at hi. Kei pen Hebru minam citak ka hi a, Israel mite sung panin Benjaminʼ suante ka hi hi. Jew Thukham zuihna tawh kisai-in Farisi mi pawl ka hi a,

Sawltak 11:20

Ahi zongin Saipras gam mi le Sairin khuami thu um mi pawl khatte Antiok khua ah pai uh a, Topa Jesu hanga Lungdamna Thu, Gentail mite kiangah zong a gen uh hi.

Sawltak 9:41

Peter in a khut khakin a ding tosak hi. Tua ciangin thu um meigong numeite a kipanin thu um khempeuh samkikin amaute kiangah Dorkas a nungta-in a lak hi.

Sawltak 9:29

Grik pau a zang Jew mite tawh zong thu gen khawmin kiseel uh a, amaute in Saul thah dingin a vaihawm uh hi.

Sawltak 5:14

Topaʼ thu a um numei pasal tampi tak hong kibeh laplap uh hi.

Sawltak 4:4

Ahi zongin amauteʼ thugen a za mi tampi in um uh a, thu um mi tul nga bang a pha ta uh hi.

Hebru 13:1

Khris sungah unau bangin na ki-itna uh na zomsuak un.

2 KORIN NIHNA 11:22

Amaute Hebru mi ahihleh kei zong Hebru mi mah ka hi hi. Amaute Abrahamʼ suan Israel mite ahihleh kei zong Abrahamʼ suan Israel mi mah ka hi hi.

Sawltak 2:45

Amaute in a neih a lam teng uh zuak uh a, a sumte pen amau kisapna tawh kizui-in amaute lakah a hawm uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Jeremiah 30:19

Tuate sung panin lungdamna la kisa dinga, gualnopna aw kiza ding hi. Amaute ka pungsak dinga, tawm kha bek hi lo ding uh hi. Amaute ka kipahtawisak dinga, ka neusak kei ding hi.

Isaiah 27:6

Hong tung ding hunah Jakob in zungkha dinga, Israel palhin dawn khia dinga, leitung khempeuh a gah tawh kidimsak ding hi.

Isaiah 1:17

Gamtat hoih ding kisin un. Thumanin gamta unla, kinetniamna kheel un. Pa nei lote hu unla, meigong numei panpih un,” ci hi.

Late 72:16

Gam sung khempeuh ah an tampi tak piang henla, mual liante dawnah dim mema-in Lebanon gam hoih sung bang ta henla, gamlak a lopate bangin khuapite sunga om mite pung ta uh hen.

Jeim 4:5

Lai Siangtho sungah, “Eite sungah a hong guat kha pen Pasian in ngai mahmah hi,” ci-in a kigelhna a mawkna-in a kigelh sa na hi uh hiam?

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.

1 TIMOTI MASA 5:9

Meigong numei khat peuhpeuh a khan kum sawm guk a cing sate le pasal khatvei bek a nei ngeite bek, meigong sazian sungah koih in.

1 KORIN MASA 10:10

Amaute pawl khat bangin Pasian i phunsan kei ding hi. Vantung mite in amaute na sulum hi.

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.

Ezekiel 22:7

A nu a pa a zahtak bawl kuamah om lo hi. Peemtate kikhem gawp a, meigong le tagahte zong kihih thopthop hi.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

JOB (Job) 31:16

“Mizawngte ka huh ding ka mangngilh ngei kei a, meigong numeite ka guaksuaksak ngei kei hi.

JOB (Job) 29:13

A lungkham a cimawhte in kei hong phat uh a, meigong numeite a lungnuamin ka omsak hi.

Thu-hilhkikna 26:12

“Sawm-ah-khat piak kum ahi, a kum thumna kumin, amaute in na khuapite uh sungah an ne-in, gilvahin a om theih nadingun Levi mite, peemtate, pa nei lote le meigong numeite tungah na piak uh, na khawh sa uh sawm-ah-khat na piak khit uh ciangin,

Sawltak 6:2

Tua ahih manin sawltak sawm le nihte in thu um mi khempeuh samin kaikhawm uh a, “Kote in Pasianʼ thu hilh ding don man lo liangin an nek tui dawn sumlepai vai ah kong manlah ding uh kilawm lo hi.

Sawltak 11:26

Saul a muh ciangin Antiok khua ah a paipih hi. Kum khat sung tawntung tua lai-a om pawlpi mite tawh amau tegel om khawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi.

Sawltak 11:29

Tua lai-a om thu um mite in amau hih zawh zah ciat hanciamin Judea gam a om thu um mite kiangah huhna a puak nading uh a vaihawm uh hi.

ROM (Romans) 12:7

Nasep nading siamna a nei ihih leh na sem ni. Hilh nading siamna a nei ihih leh hilh ni.

1 TIMOTI MASA 5:3

Meigong taktak ahi numeite zahtak bawl in.