Sawltak 5:9 - Tedim Bible Revision 2017

⁹ Tua ciangin Peter in tua nu kiangah, “Bang dingin na nupa-un Topaʼ Kha Siangtho ze-et ding thukim khawm na hi uh hiam? En in, na pasal a vuite kongkhak gei mahmah ah om uh a, nang zong hong pua khia ding uh hi,” a ci hi.

Tedim Bible

⁹ Piter in, “Note in Topa’ Kha ze-et dingin bang hangin kilungtuak na hi uh hiam? En in! Na pasal vuite’ khe in kongkhak kiangah a om uh hi; nang zong a hong puakhia ding uh hi,” a ci hi.

Sawltak 5:9 Referans Kwoze

1 KORIN MASA 10:9

Amaute pawl khat bangin Topa i ze-et kei ding hi. Gul in amaute na tu lum hi.

Late 78:56

Ahi zongin amaute in Sangpen Pasian ze-etin lehdo uh a, ama thupiakna zui loin,

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Sawltak 15:10

Tua ahih ciangin i pute i pate a kipan ei mahmah in i puak zawh loh van gik pen Pasianʼ heh theihtheih nadingin bang hangin thu um mite tungah suan ding ihi hiam?

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Mattiu 4:7

Jesu in, “Lai Siangtho mahah, ‘Na Topa Pasian na ze-et kei in,’ ci-in gen hi lo ahi hiam?” ci-in a dawng hi.

Micah 7:3

A sia lam a gamtat ding siam mahmah uh a, uliante le thukhente in sumgolh ngenin, mi liante in amauʼ deih teng pulak uh a, kipawlin vaihawm khawm uh hi.

Paunak 16:5

Topa in a kihisak mite mudah a, amaute in gimna thuak hamtang uh hi.

Paunak 11:21

Migilote in gim a thuak hamtang nading, midikte gimna tawh a kipelhna ding teltakin thei in.

Late 50:18

Guta khat mu le-uhcin ama lawm na hi pah uh a, a paktat mite tawh na kikhawl uh hi.

2 KUMPI NIHNATE 6:32

Elisha a inn sungah tu a, upate amah tawh tukhawm uh hi. Tu-in kumpipa in ama omna panin mi khat sawl khia hi. Ahih hangin kamtai pa a tun ma-in Elisha in upate kiangah, “Hih mi that pa in ka lutang a tan khia dingin hong sawlna na mu uh hiam? En un, kamtai pa hong tun ciangin kong khak unla, ama lang khat ah khauh takin kongkhak lencip un. Ama nungah a topaʼ kheging hong kiza hi lo ahi hiam?” a ci hi.

Gamlak-vakna 14:22

Egypt le gamlak ah ka hih sa ka vangliatna le ka limte mu khin napi-in sawm vei kei hong ze-etin keima aw a ngai lo mite,

Paikhiatna 17:7

Israel miteʼ mawh zonna le amaute in Topa ze-etin, “Eiteʼ lakah Topa a om mah ahi hiam?” a cihna hangun, tua mun pen Massah le Meribah, ci-in min kiphuak hi.

Paikhiatna 17:2

Tua ahih ciangin mite in Mosesʼ tungah mawhna zong uh a, “Tui dawn ding hong pia in,” ci uh hi. Moses in amaute kiangah, “Bang hangin keiʼ tungah mawhna hong zong na hi uh hiam? Bang hangin Topa ze-et na hi uh hiam?” a ci hi.

ROM (Romans) 10:15

A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.

Sawltak 5:6

Tua ciangin tangvalte hong kipanin puan tawh a luang tun uh a, pua khia-in a va vui uh hi.

Piancilna 20:13

Pasian in ka paʼ inn panin hong pai khiatsak ciangin ama kiangah, ‘Hih pen keiʼ tunga nong hih ding na migitna ahi hi: I paina peuhpeuh ah kei pen ka sanggampa hi, hong ci in,’ ka ci hi,” a ci hi.