Sawltak 5:5 - Tedim Bible Revision 2017

⁵ Ananias in hih thu a zak phetin thakhatin si-in puk suk pah a, hih thu a za mi khempeuh a lau mahmah uh hi.

Tedim Bible

⁵ Ananias in tua thute a zak ciangin pukin a si hi. Tua thu a zate khempeuh in nakpi-in a lau uh hi.

Sawltak 5:5 Referans Kwoze

Sawltak 2:43

Sawltakte in lim le nalamdang tampi bawl uh a, mi khempeuh in lamdang sa mahmah uh hi.

Mangmuhna 11:13

Tua hun laitakin nakpi takin zin liing a, a khuapi seh sawm suah seh khat tang ding kisiacip a, tua zin liing in mi tul sagih a sisak hi. A si lo a hing laite lau mahmah uh a, vantung Pasian a liatna thu a phat uh hi.

Mangmuhna 11:5

Mi khatpeuh in amaute suksiat ding hanciam leh amauteʼ kam panin meikuang pusuakin a galte a kaang tum hi. Amaute suksiat ding a hanciam peuhpeuh tua bangin kisusia hi.

2 KORIN NIHNA 13:2

A beisa hunah mawhna a gamtate le a dangte khempeuh kiangah, a nih veina ka hong hawh lai-in keima kam tawh kong gen bangin tu-in zong lai tawh ka hong gelh nop thu in: Ka hong paikik ciangin kuamah hong zah nawn lo ding ka hih manin gim na thuak pelmawh ding uh hi.

2 KORIN NIHNA 7:11

Hih noteʼ dahna pen Pasian in a hoih lamin hong zatsak ahih manin mawk om nawn loin lungsim takpi tawh kinna na nei uh a, hoih lo hi, ci-in ka hong gente lunghimawhin siansak nopna lungsim na nei uh hi. A thupiang sate hangin lau-in, lunghimawhin a hoih lote gim na pia nuam uh hi. Hih thu khempeuh ah note na paubaan nading uh a om lo hong suaksak hi.

1 KORIN MASA 4:21

Tua ahih manin note taii-in gim a hong pia dingin ka hong pai ding le itna le lungnemna lungsim tawh ka hong pai ding koi deih zaw na hi uh hiam?

Sawltak 13:11

Tu-in Topa in nang hong su dinga, na mit taw-in tawl khat sung khua na mu kei ding hi,” a cih khit phetin, meii vom in Elymasʼ mit tuamcip a, a khut lenin amah a paipih ding mi a zawt kawikawi hi.

Sawltak 5:13

Midangte in thupi sa-in hoih sa mahmah uh a, ahi zongin amaute pawlpih taktak ngam lo uh hi.

Ezekiel 11:13

Tua bangin thu genin ka om laitakin Benaiahʼ tapa Pelatiah hong din sih hi. Kei zong leilak ah bok sukin ka kiko a, “Topa Pasian aw, Israel gam sungah a om lai mi khempeuh thah khit sawm na hi hiam?” ka ci hi.

Jeremiah 5:14

Tua ahih manin Topa, Vanglian Pasian in hong hopih a, “Amaute, tu-a bangin kampau uh ahih manin na kam sungah mei bangin ka kuansak ka thute in sing tawh kibang hih minamte kaang tum gawp ding hi.

Late 119:120

Nang kong zahtakna hangin ka khuasikmul suak a, na thukhennate ka zahtak hi.

Late 64:9

Tua ciangin mi khempeuh lau ding uh hi. Amaute in Pasianʼ hih sa thute gengen ding uh a, ama hih sa nate khempeuh ngaih sunsun ding uh hi.

1 KHANG TANGTHU MASATE 15:13

A masa lai-in note na om kei uh a, a kiseh sa bang danin kem lo ihih manin eite tungah Topa i Pasian hong hehin gim hong pia hi,” a ci hi.

1 KHANG TANGTHU MASATE 13:12

Tua ni-in David in Pasian kihta hi. Amah in, “Pasianʼ Thuciamna Singkuang kei kiang inn ah bangci ciahpih theih ding ka hi hiam?” a ci hi.

2 KUMPI NIHNATE 2:24

Tua ciangin amah a kiimah khuadak a, amah in amaute a muh ciangin Topaʼ min tawh amaute a samsia hi. Tua ciangin gamlak panin vompi nih hong pai-in naupang sawm li le nih balnen hi.

Joshua 22:20

Zerahʼ tapa Akhan, a ki-ap nate ah a khialh manin Israel mihon khempeuh tungah hehna hong tung hi lo ahi hiam? Ama mawhna hangin amah bek si lo hi,’ ci uh hi,” ci-in a gen uh hi.

Thu-hilhkikna 21:21

Tua ciangin khuapi pasal khempeuh in suang tawh amah deng lum ding uh hi. Tua bangin noteʼ sung panin siatna na siangsak ding uh hi. Tua hileh Israel-te khempeuh in za-in lau ding uh hi.

Thu-hilhkikna 13:11

Tua ciangin Israel-te khempeuh in za-in lau ding uh a, hih banga gitlohna note lakah bawlkik ngei nawn lo ding uh hi.

Siampi Laibu 10:3

Tua ciangin Moses in Aaronʼ kiangah, “Topa in, ‘Ka kiang nai-a a omte kiangah keimah a siangtho-in ka kilak dinga, mi khempeuhʼ mai ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

2 KORIN NIHNA 13:10

Noteʼ siat nading hi loin noteʼ phattuam nadingin Topa in kei tungah a hong piak thuneihna pen note tungah khauh takin ka hong zat khak loh nadingin lai a hong gelh ka hi hi.