Sawltak 5:41 - Tedim Bible Revision 2017

⁴¹ Uliante omna panin sawltakte paikhia uh a, Jesuʼ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Tedim Bible

⁴¹ Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

Sawltak 5:41 Referans Kwoze

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

Luka 6:22

“Mihing Tapaʼ hangin mite in hong mudahin hong tuam koih a, hong simmawhin migiloin hong seh ciangin thupha ngah na hi uh hi.

Filippi 1:29

Bang hang hiam cih leh Khrisʼ na sep nading hunpha zong note tungah a hong kipia hi a, Khris upna tawh ama na a sem hi bek loin, thuakna tawh zong a sem ding na hi uh hi.

Johan 15:21

Ahi zongin amaute in kei hong sawl pa thei lo uh ahih manin keima mi na hihna uh hangin amaute in hih bangin hong bawl ding uh ahi hi.

2 KORIN NIHNA 12:10

Kei ka thaneem mahmah laitakin a thahat mahmah suak ka hih manin Khris hangin ka thaneemna, simmawh ka thuakna, haksatna, bawlsiatna le lungkhamna ka thuaknate tawh ka lung a kim mahmah hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

ROM (Romans) 5:3

Haksatna i thuak laitak nangawnin i lungdam veve hi. Bang hang hiam cih leh haksatna in thuak zawh hatna piangsak a,

Hebru 10:34

Note in a hoih zaw, a kip zaw nate a nei na hih lam uh kithei na hih manun thong kia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Isaiah 65:14

Ka nasemte in lungdamin la sa ding uh a, note in lungsim na sa-in kiko-in, lungsim gimna hangin na tau ding uh hi.

Isaiah 61:10

Topa’ hangin nakpi takin ka lungdam dinga, ka Pasianʼ hangin kipakin ka diang ding hi. Bang hang hiam cih leh zipi pa puan hoih tawh kizemin, mothak nu a suang manphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

Sawltak 5:21

Ama gen mah bangin sawltakte zong zingsang ciangin biakinn ah pai-in thuhilh ding a kipan uh hi. Siampi lianpen pa le ama kikholhpihte in ulian kikhopna a cingtaak khat a om theih nadingin Jew mi upa khempeuh a kikhop nadingun a sam uh hi. Tua khit ciangin thong panin sawltakte va kai-in uliante mai ah a hong paipih nadingun palikte a sawl uh hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua ah khihcipna a thuak ding bek hi loin, Topa Jesu hangin a si ding ciang dongin a kithawi sa ka hi hi,” ci-in a hong dawng hi.

3 JOHAN THUMNA 1:7

Amaute pen Pasianʼ nasem dingin a khualzin khia uh hi a, thu um lo mite tung panin bangmah huhna ngah lo uh hi.