Sawltak 5:4 - Tedim Bible Revision 2017

⁴ Tua lo na zuak ma-in nangma aʼ hi a, na zuak khit ciangin a sum zong nangma aʼ mah ahi hi. Tua hi napi-in bang hangin tua bangin gamtat ding ngaihsun peuhmah na hi hiam? Mite a khem hi loin Pasian a khem na hi hi,” a ci hi.

Tedim Bible

⁴ Tua lo, nangma khut sungah a om lai takin nangma neihsa hilo ahi hiam? Na zuak khit ciangin na ngah a man in nangma sum hilo ahi hiam? Bang dingin na lungsim sungah hih bang hanciam na hi hiam? Mi tung bek a, zuauthu gen na hi kei hi, Pasian tungah zuauthu gen na hi hi,” a ci hi.

Sawltak 5:4 Referans Kwoze

Sawltak 5:3

Peter in, “Ananias aw, bang hangin Satanʼ thu-in gamta a, na lo zuak man sumte pawl khat kem simin, Kha Siangtho khem na hi hiam?

1 KHANG TANGTHU MASATE 29:3

Tua tham loin, a siangtho biakinn adingin ka koihte khempeuh banah, ngun le kham keima-aʼ mahmah zong om a, ka Pasianʼ biakinn ka ngaihsutna hangin ka Pasianʼ inn ah ka piakte:

1 THESALONIKA MASA 4:8

Tua ahih manin hih thute a thudon lo mi in mite a thudon lo hi loin, note tungah ama Kha Siangtho a hong pia Pasian a thusim lo ahi hi.

Sawltak 5:9

Tua ciangin Peter in tua nu kiangah, “Bang dingin na nupa-un Topaʼ Kha Siangtho ze-et ding thukim khawm na hi uh hiam? En in, na pasal a vuite kongkhak gei mahmah ah om uh a, nang zong hong pua khia ding uh hi,” a ci hi.

Luka 10:16

Tua ciangin Jesu in a nungzuite kiangah, “Noteʼ thu a hong zuite khempeuh, keiʼ thu a hong zui hi a, noteʼ thu a hong zui lote khempeuh, keiʼ thu a hong zui lo ahi uh hi. Keiʼ thu a hong zui lote khempeuh pen kei a hong sawl paʼ thu a zui lo ahi uh hi,” a ci hi.

Ezekiel 38:10

“Topa Pasian ahi keimah in nang Gog tungah kong genin ah: Tua hun ding hong tun ciangin na lungsim sungah gitloh gamtat ding ngaihsut na kipan ding hi.

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuau thu na gen uh a, siat nading thu ngaihsunin buaina na piangsak uh hi.

Late 139:4

Topa aw, kam khat bek nangawn ka paukhiat ma-in, nangmah in ka gen ding teng a vekpi-in na thei khin hi.

Late 7:14

Migilo in thusia paii a, suak nuamin na a, zuau thu a hing khia hi.

1 KHANG TANGTHU MASATE 29:17

Nangmah in lungsim en telin thumanna ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai ah a om na mite ka mu zo hi.

1 KHANG TANGTHU MASATE 29:9

Tua ciangin hih mite in utna lungsim tawh pia uh ahih manin mite lungdam uh hi; bang hang hiam cih leh amaute in a lungsim khempeuh uh tawh Topaʼ tungah pia ziahziah uh a, kumpi David zong nakpi takin a lungdam hi.

1 KHANG TANGTHU MASATE 29:5

le siamneelte in a hih ding nasepna khempeuh adingin kham zat nading nate ah kham le ngun zat nading nate ah ngun ahi hi. Kua teng utna lungsim tawh Topaʼ tungah tu ni-in a mahmah kipia-in ki-ap ding na hi uh hiam?” a ci hi.

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.

Paikhiatna 35:29

Topa in Moses tunga a thupiak sa nasep nadingin na khat peuhpeuh a pia nuam numei pasal Israel mi khempeuh in utthu-a biakna-in Topaʼ tungah hong paipih uh hi.

Paikhiatna 16:8

Moses in, “Ama tungah na phunnate uh Topa in a zakna hangin, Topa in noteʼ tungah nitak annek ding sa, zingsangin na kham tak uh a na nek ding uh an hong piak ciangin - kote pen a bang hi mawk ka hi uh hiam? Noteʼ phunnate pen koteʼ tung hi loin Topaʼ tung ahi hi,” a ci hi.

Jeim 1:15

Lungsim utna a gol semsem ciangin mawhna hong piang a, mawhna hong cingtaak ciangin sihna hong piang hi.

Filemon 1:14

Ahi zongin nangma nasep hoihna pen keima hong kalh hi loin nangma uttawmna tawh na sep a suah theih nadingin nangma lungkimna om masa lopi-in bangmah ka hih nuam kei hi.

1 KORIN MASA 8:8

Ahi zongin tua i nek ante in Pasian tawh i kizopna hong hoihsak tuan lo hi. I nek loh hangin siatna om tuan lo a, i nek hangin zong phatna om tuan sam lo hi.

JOB (Job) 15:35

Mihingte in siat nading bek ngaihsunin sem uh a, mi khem ding bekbek ngaihsun niloh uh hi,” a ci hi.

Gamlak-vakna 16:11

Tua ahih ciangin nang le na pawlte khempeuh hih lai ah na kikaihkhopna uh pen Topa langpanna ahi hi. Note in na phunsan uh Aaron pen bang mi hi mawk ahi hiam?” a ci hi.

Thuhilh-sia 5:5

Na thuciamna bangin na tunsak kei ding le thu ciam vet kei zaw in.