Sawltak 5:21 - Tedim Bible Revision 2017

²¹ Ama gen mah bangin sawltakte zong zingsang ciangin biakinn ah pai-in thuhilh ding a kipan uh hi. Siampi lianpen pa le ama kikholhpihte in ulian kikhopna a cingtaak khat a om theih nadingin Jew mi upa khempeuh a kikhop nadingun a sam uh hi. Tua khit ciangin thong panin sawltakte va kai-in uliante mai ah a hong paipih nadingun palikte a sawl uh hi.

Tedim Bible

²¹ Amaute in tua thu a zak uh ciangin a zingsang tungin biakna innpi sungah a lut uh a, thu a hilh uh hi. Pasian’ siampi ukpa leh amah tawh kipawlte hong pai uh a, upa vaihawmte akipan Israel upate khempeuh a kikhopsak khit uh ciangin, sawltakte hong paipih dingin thong sungah mi a sawl uh hi.

Sawltak 5:21 Referans Kwoze

Johan 8:2

Ahi zongin a zing ciang zingsang tungin biakinn ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Sawltak 22:15

Tua ahih manin na muh sa le na zak sa thu khempeuh, mi khempeuh tungah genin teci a pang ding na hi hi.

Sawltak 5:41

Uliante omna panin sawltakte paikhia uh a, Jesuʼ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Sawltak 5:34

Ahi zongin amaute sung panin Farisi mi Gamaliel, Thukham hilh sia khat ahi, mi khempeuh in zong a zahtak bawl mipa khat hong dinga, tawl khat sung sawltakte a kipusuah pih nadingin thu pia a,

Sawltak 5:27

Tua ciangin uliante mai ah sawltakte dingsak uh a, siampi lianpen pa in sawltakte kiangah thu genin,

Sawltak 5:17

Tua ciangin siampi lianpen pa le amah tawh a kipawl tua lai-a Saddusi mite in sawltakte haza-in thangpai uh ahih manin thu bawl ding a ngaihsun uh hi.

Johan 18:35

Pilat in, “Kei, Jew mi hong sa na hi hiam? Na Jew mipihte le na siampi liante un kei kiangah nang hong ap uh hi. Bang gamta khial na hi hiam?” a ci hi.

Luka 22:66

Khua a vak ciangin upate, siampi liante le Thukham hilh siate hong kikhawm uh a, uliante mai ah Jesu hong kipaipih hi.

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Sawltak 22:5

Hih ka thugente a man ahihna thu, siampi lianpen pa le upa khempeuh in hong gen thei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piak theih nadingun tua khua-a om thu um mite manin sikkhau khihin Jerusalem khua ah a ciahpih dingin ka va pai hi.