Sawltak 4:30 - Tedim Bible Revision 2017

³⁰ Cinate damsak theih nading vangliatna hong pia inla, a siangtho na Nasem pa Jesuʼ min tawh nalamdang kibawl tahen,” a ci uh hi.

Tedim Bible

³⁰ lau loin na thu a gen na’ngun a siangtho Sila Zeisu’ min tawh lim leh nalamdang a kibawl theih na’ngin hong hehpih in,” ci-in thu a ngen uh hi.

Sawltak 4:30 Referans Kwoze

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesu Khris min tawh, dingin lam na pai nadingin thu kong pia hi,” a cih khit ciangin,

Jeremiah 15:15

Tua ciangin keimah in: Topa aw, nang na thei hi. Hong phawk inla hong veh in. Kei a hong bawlsiate tungah phu hong laksak in. Ka galte tungah na lungduaina hangin keiʼ sih nading piangsak kei in. Nangma hangin min siatna a thuak ka hih lam hong thei in.

Sawltak 6:8

Pasian in Stefenʼ tungah thupha tampi tak pia-in vangliatna lianpi neisak a, amah in mite lakah lim le nalamdang lian pipi a bawl hi.

Sawltak 5:12

Sawltakte in mite lakah lim le nalamdang tampi a bawl uh hi. Thu um mi khempeuh Solomonʼ Talap ah kikhawmin a om uh hi.

Sawltak 3:16

Hih Jesu minʼ vangliatna in hih khebai mipa tungah thahatna a pia ahi hi. Note khempeuh in na theih uh mah bangin hih mipa bangzah takin khebai ahih hangin Jesu upna le ama min hangin hih mipa in dam sianthona a ngah ahi hi.

Sawltak 2:43

Sawltakte in lim le nalamdang tampi bawl uh a, mi khempeuh in lamdang sa mahmah uh hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Thu-hilhkikna 4:34

Tua ahih kei leh, Topa na Pasian un Egypt gam sungah note adingin na muhna uh ah a bawlte khempeuh tawh a kibangin, ze-etna, lim, nalamdang, gal, a vanglian le a thahatna le a lauhuai mahmah tawh pasian dang khat peuhpeuh in ama mite adingin minamdang khat sung pan minam khat a va lak ding hanciam ngam ngei ahi hiam?

Paikhiatna 6:6

Tua ahih ciangin Israel miteʼ tungah, ‘Kei pen Topa ka hi hi. Egypt miteʼ na na sepna uh panin note kong paikhiatpih ding hi. Amauʼ sal hihna panin note kong khah khia dinga, a thahat ka khut zanin thukhenna nasep lian tawh note kong hon khia ding hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesu Khris min vangliatna tawh hih mipa a ci damin hih lai ah ding ahihna thu, note le Israel mi khempeuh in na theih dingun a kilawm thu khat ahi hi.

Johan 4:48

Jesu in ama kiangah, “Note in lim le nalamdang lian ka bawl na muh kei uh leh Topa ka hihna thu na hong um kei ding uh hi,” a cih ciangin

Sawltak 3:13

I pupite Abrahamʼ Pasian, Isaacʼ Pasian le Jakobʼ Pasian in a nasem Jesu tungah ama vangliatna a pia hi. Note in aana neite khut sungah tua Jesu na pia uh a, Pilat mangpa in amah khah dingin a ngaihsut khit nangawnin Pilatʼ maitang mahah amah na nial teitei uh hi.