Sawltak 4:22 - Tedim Bible Revision 2017

²² Bang hang hiam cih leh hih nalamdang a kibawlna mipa pen a khan kum sawm li val a pha khin sa mi khat ahi hi.

Tedim Bible

²² Bang hang hiam i cih leh, hih cidamna a ngah nalamdang bawlna a ngahpa in kum sawmli val a pha zo mi ahi hi.

Sawltak 4:22 Referans Kwoze

Sawltak 9:33

Tua khua a tun ciangin a khutlekhe a zaw, kum giat sung tawntung lupna ngakin a om, Aineas kici mi khat a mu hi.

Johan 5:5

Tua talapte sung khat ah kum sawm thum le kum giat sung a cina khin mi khat a om hi.

Sawltak 3:2

Kongpi Hoih a kici gei ah a suah tung a kipan a khebai mi khat na om hi. Biakinn ah a pai mite tung panin sum a ngen dingin nisimin hih kongpi gei ah amah hong kikoih zel hi.

Johan 9:1

Tua bangin Jesu a paikhiat ciangin a pianpih mittaw mi khat a mu hi.

Luka 13:11

Dawivei numei khat tua lai ah om a, tua dawi in kum sawm le kum giat sung tua numei cinasakin a nung kulsak a, ding tang thei het loin a om hi.

Mattiu 9:20

Tua laitakin kum sawm le kum nih tawntung a si a luang numei khat Jesuʼ nungah hong pai-in a puan mongteep a lawngsim hi.

Sawltak 4:21

Ahi zongin uliante in a khauh zaw-in thu a gen khit uh ciangin a khah uh hi. Hih thupiang hangin mi khempeuh in Pasian phat uh ahih manin hih mite gim a piak nading uh a thu mu thei lo uh hi.

Sawltak 4:23

Peter le Johan a kikhahkhiat khit phetin a lawmte uh kiangah pai-in siampi liante le upate in amaute tungah a thugente khempeuh a zasak uh hi.