Sawltak 4:21 - Tedim Bible Revision 2017

²¹ Ahi zongin uliante in a khauh zaw-in thu a gen khit uh ciangin a khah uh hi. Hih thupiang hangin mi khempeuh in Pasian phat uh ahih manin hih mite gim a piak nading uh a thu mu thei lo uh hi.

Tedim Bible

²¹ Amaute in mihonpi hangin Piter leh Johan mawhna daan piak na’ng thu a ngah loh uh ciangin, khatvei a tawn’ kik khit uh ciangin a khah uh hi. Bang hang hiam i cih leh, hih bawlna thu hangin mi khempeuh in Pasian’ min a phat uh hi.

Sawltak 4:21 Referans Kwoze

Sawltak 5:26

Tua ciangin biakinn ukpa le a mite va pai-in sawltakte hong paipihkik uh hi. Mihonte in suang tawh amaute a den gawp khak ding lau uh ahih manin sawltakte ngongbawl loin thudam tawh a paipih uh hi.

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesu a kithah theih nading lampi a zong uh hi.

Luka 20:19

Jesu in hih thu gentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesu man pah nuam uh hi; ahi zongin mihonte kihta uh ahih manin man pah ngam lo uh hi.

Luka 20:6

“Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong deng lum ding uh hi, a kici uh hi.

Mattiu 21:46

Jesu a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Mattiu 9:8

Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.

Sawltak 5:40

Tua ahih manin uliante in Gamalielʼ thugen a mang uh hi. Sawltakte samkiksak uh a, a sat khit uh ciangin Jesuʼ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 4:17

Ahi zongin mite lakah hih thute a kitheihthang thuah loh nadingin, Jesuʼ min tawh kuama kiangah thu a gen ngei nawn loh nadingun taii ni,” a kici uh hi.

Luka 13:17

Hih Jesuʼ dawnna in a langte khempeuh maizumsak a, Jesuʼ sep hih nalamdangte khempeuh hangin midang khempeuh a lungdam mahmah uh hi.

Luka 5:26

Tua ciangin amaute khempeuh in lamdang sa mahmah uh a, lau mahmah kawmin Pasian phatin, “Tu ni-in a lamdang mahmah na khat i mu hi,” a ci uh hi.

Mattiu 26:5

Amaute in, “Buaina lianpi hong om kha thei ding ahih manin hih pawi hun sungin hih kei ni,” a ci uh hi.

Mattiu 15:31

A pau thei lote pau thei-in, khezawte damin, khebaite hoihtakin lam pai thei-in, mittawte in khua a muh theihkikna thu mihonpite in a muh uh ciangin lamdang sa mahmah uh a, Israel miteʼ Pasian a phat uh hi.

Mattiu 9:33

Ama sung panin dawi a kihawlkhiat khit phetin tua mipa hong pau theikik pah hi. Mihonpite in lamdang sa mahmah uh a, “Israel gam sungah hih bang thu piang ngei nai lo hi,” a ci uh hi.

Sawltak 4:22

Bang hang hiam cih leh hih nalamdang a kibawlna mipa pen a khan kum sawm li val a pha khin sa mi khat ahi hi.

Sawltak 5:13

Midangte in thupi sa-in hoih sa mahmah uh a, ahi zongin amaute pawlpih taktak ngam lo uh hi.