Sawltak 4:19 - Tedim Bible Revision 2017

¹⁹ Ahi zongin Peter le Johan in, “Noteʼ thu man zawk ding le Pasianʼ thu man zawk ding, Pasianʼ muhna panin koi pen man zaw ding cih thu nomau mah in zong ngaihsun ciat un.

Tedim Bible

¹⁹ Piter leh Johan in, “Topa’ thu sangin note’ thu ngaih ding Pasian mai-ah a kilawm zaw hiam, kilawm lo zaw hiam cih note in thu na khen ta un.

Sawltak 4:19 Referans Kwoze

Sawltak 5:29

Ahi zongin Peter le sawltak dangte in, “Miteʼ thu sangin Pasianʼ thu ka mang zaw ding uh hi.

Paikhiatna 1:17

Ahih hangin naudomte in Pasian zahtak uh hi. Egypt kumpipa in amaute a thupiak bangin gamta lo uh a, nau pasalte nungtasak uh hi.

1 KORIN MASA 10:15

Thu ngaihsun thei mite tungah thugen bangin a hong gen ka hi hi. Ka thugente nomau mah in na ngaihsun tawm un.

1 TIMOTI MASA 2:3

Hih bang gamtatnate pen eite hong Hon Pasianʼ muhna ah a hoih a kilawm thu ahi hi.

Johan 7:24

A tungtham a kimu nate siksanin thu khen kei unla, thu taktak siksanin thu khen zaw un,” a ci hi.

1 KUMPI MASATE 22:14

Ahih hangin Mikaiah in, “Topa a nungta ahih mah bangin, Topa in kei tungah hong gen thu ka gen ding hi,” a ci hi.

Daniel 3:18

Kumpipa aw, a hong hotkhiat kei zenzen leh zong, na pasian lah ka bia tuan kei ding uh a, na kham milim mai ah zong ka kun kei ding uh hi, ci-in thei ta in,” a ci uh hi.

Mattiu 22:21

amaute in, “Sisarʼ lim le a min kigelh hi,” a ci uh hi. Tua ciangin Jesu in amaute kiangah, “Sisarʼ nate Sisarʼ tungah na pia unla, Pasianʼ nate Pasianʼ tungah na pia un,” a ci hi.

Amos 7:16

Tu-in Topaʼ thugen ngai in. Israel miteʼ lang khat ah thu ka gen ding na hong kho a, Isaacʼ suanlekhakteʼ lang khat ah thu ka gen ding na hong kham hi.

Hosea 5:11

Israel in zong gimna thuakin a cimawh hi ta hi; bang hang hiam cih le kei kiangah hong pai nuam loin piak ding bangmah a nei lote kiangah huhna ngen dingin pai hamtang hi.

Daniel 6:10

Tua bang thupiakna lai kihawm khia khinzo ta hi, ci-in Daniel in a theih ciangin a inn ah a ciah hi. A inn dawl tungnung ah Jerusalem lam a nga tawlet thum a om hi. Tua laitak ah tawlet hon sa-in a hih ngei bangin khukdinin ni khatin thum vei ta Pasian kiangah thu a ngen hi.

Late 58:1

No gam ukte aw, a manin thu na khen uh hiam? Note in mi khempeuhʼ thu a tangin na khen uh hiam?

2 KUMPI NIHNATE 16:15

Tua ciangin Kumpi Ahaz in siampi Urijah thu pia-in, “Gam sung mi khempeuhʼ meihal biakna, an tawh a biakna le leenggahzu tawh a biakna uh tawh biakna tau lian tungah zingsang meihal biakna, nitakin an tawh biakna, kumpipaʼ meihal biakna le an tawh a biaknate hal khawm in. Tua tungah meihal biakna sisan khempeuh le biakpiakna sisan khempeuh theh in. Ahih hangin sumngo biakna tau pen kei adingin thudot nading hi ding hi,” a ci hi.

1 KUMPI MASATE 21:11

Tua ciangin ama khuapi mi, ama khuapi sungah a teeng upate le uliante in amaute tungah Jezebelʼ thupuak bangin hih uh hi. Amaute tungah a khak laite sungah a kigelh mah bangin,

1 KUMPI MASATE 14:16

Tua ciangin ama khialhna le Israel-te a khialhsakna ahi Jeroboamʼ khialhna hangin amah in Israel nusia ding hi,” a ci hi.

1 KUMPI MASATE 12:30

Hih na pen khialhna khat a suak hi. Bang hang hiam cih leh mite Bethel a bia ding le Dan a bia dingin a gamla pekah va pai uh hi.

Jeim 2:4

mi a deidan na hi uh a, ngaihsutna hoih lo nei-in a gamta na hi uh hi.

Efesa 6:1

Tate aw, na nu na pate uh thu na man ding uh Khristian ngeina hi a, ahi ding mah ahi hi.

2 KORIN NIHNA 4:2

Ka thuhilhna uh ah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang het kei uh hi. Pasian muhna ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.

Micah 6:16

Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.

Hebru 11:23

Moses a suah ciangin a nu le a pa in hoih sa mahmah in, kumpipaʼ thupiakna kihta tuan loin kha thum sung a seelcip ngamna uh zong a upna hang mah uh ahi hi.

Jeremiah 26:12

Tua ciangin Jeremiah in kumpi ulian khempeuhte le mi khempeuhteʼ kiangah, “Topa in na zak sa uh ahi hih biakinnpi le hih khuapi lang khat ah ka gen thu khempeuh a gen dingin kei hong sawl hi.

Luka 22:8

Jesu in Peter le Johan kiangah, “Va pai unla, eiteʼ Paisan Pawi annek ding va vaihawm un,” ci-in a sawl hi.

Sawltak 4:13

Uliante in Peter le Johan a han mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesu tawh a kikhawl khin ngeite ahihna uh a phawk uh hi.

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.

1 KUMPI MASATE 13:19

Tua ahih ciangin amah zui-in hong ciahkik a, ama inn ah an ne-in tui a dawn hi.

2 KUMPI NIHNATE 16:16

Kumpi Ahazʼ thupiak bangin siampi Urijah in hih thu khempeuh a hih hi.