Sawltak 4:18 - Tedim Bible Revision 2017

¹⁸ Tua ciangin sawltakte samkik uh a, Jesuʼ min tawh thugen ahi a, thuhilh ahi zongin a hih nawn het loh nadingun thu a pia uh hi.

Tedim Bible

¹⁸ Tua ciangin sawltakte sam kik uh a, ‘Zeisu’ min tawh thu gen nawn peuhmah lo ding leh thu hilh nawn peuhmah lo dingin a kham uh hi.

Sawltak 4:18 Referans Kwoze

Sawltak 5:40

Tua ahih manin uliante in Gamalielʼ thugen a mang uh hi. Sawltakte samkiksak uh a, a sat khit uh ciangin Jesuʼ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 5:20

“Biakinn ah pai unla, hih nuntak thakna thu mite kiangah va gen un,” ci-in a vaikhak hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

Paikhiatna 1:17

Ahih hangin naudomte in Pasian zahtak uh hi. Egypt kumpipa in amaute a thupiak bangin gamta lo uh a, nau pasalte nungtasak uh hi.

Amos 7:13

Hih lai pen kumpipaʼ biakinn mun, minam bup biakinn mun ahih manin Bethel ah thu hong gen nawn kei in,” a ci hi.

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.