Sawltak 4:16 - Tedim Bible Revision 2017

¹⁶ “Hih mite bang cih ding ihi hiam? Jerusalem khua sunga om mi khempeuh in hih miteʼ bawl a lamdang mahmah nate thei ciat uh a, i nial theih nading bangmah om lo hi.

Tedim Bible

¹⁶ “Hih mite tungah bang i ci hih ding hiam? Amaute tung tawnin nalamdang lian a kilak zo hi ci-in Jerusalem khua mi khempeuh in a thei uh a, eite in i nial zo kei hi.

Sawltak 4:16 Referans Kwoze

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Johan 12:18

Jesu in tua bang nalamdang lian a bawlna thu mihonte in za khin uh ahih manin amah a dawn dingin a pai uh hi.

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

Mattiu 27:16

Tua hun laitakin a gilo mahmah Barabbas a kici mi khat thongkia-in a om hi.

Daniel 8:8

Tua keeltal a thahatna hong khangto semsem a, ahih hangin a thahat pen laitakin a ki a kitan hi. Tua a ki pona munah a lamdang ki li hong po tokik a, mun tuamtuam a kawk hi.

Daniel 8:5

A bangci hi ding hiam, ci-in ngaihsun thei loin ka om laitakin nitumna lam panin keeltal khat a hong tai veva hi. Hat lua mahmah ahih manin a khe in lei a su kha kei hi. A mit tegel kikalah a tuampian ki lamdang khat a nei hi.

Mattiu 20:7

amaute in, ‘Kuamah in nasem dingin hong cial lo hi,’ ci-in a dawng uh hi. Tua ciangin amaute kiangah, ‘No zong leenggah lo ah va kuan un,’ a ci hi.