Sawltak 4:13 - Tedim Bible Revision 2017

¹³ Uliante in Peter le Johan a han mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesu tawh a kikhawl khin ngeite ahihna uh a phawk uh hi.

Tedim Bible

¹³ Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Sawltak 4:13 Referans Kwoze

1 KORIN MASA 1:27

Ahi zongin Pasian in mipilte a maizumsak nadingin mihaite hong teel a, mi thahatte a maizumsak nadingin mi thaneemte a hong teel hi.

Johan 7:15

Jew mi uliante in lamdang sa mahmah uh a, “Hih mipa cikmah a sang kah ngei lo kimlai bang hangin thu hih zah thei ahi hiam?” a ci uh hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Mattiu 26:73

Tua zawh a sawt loin a gei-a omte khat in Peter kiangah, “Na kampau zia uh kibang ahih manin nang zong hua mite tawh a kipawl mah na hi takpi hi,” a ci leuleu hi.

Johan 7:49

Hih mihonte in ahihleh Moses Thukham thei lo uh ahih manin Pasianʼ samsiatna a thuak dingte hi lel uh hi,” a ci uh hi.

Luka 22:8

Jesu in Peter le Johan kiangah, “Va pai unla, eiteʼ Paisan Pawi annek ding va vaihawm un,” ci-in a sawl hi.

Mattiu 26:71

Tua ciangin Peter zong inntual pua lamah a paikhiat leh numei dang khat mah in mu ahih manin a gei-a omte kiangah, “Nazareth khuami Jesu tawh hih mipa kikhawl hi,” a ci hi.

Johan 19:26

Jesu in ama nu le a it a nungzui pa a ding khawm a muh ciangin a nu kiangah, “Nu aw, tua lai ah na tapa om hi,” a ci hi.

Sawltak 4:14

Ahi zongin a kidamsak mipa pen Peter le Johan-te gei ah om gige ahih manin a nial nading uh thu mu zo lo uh hi.

Sawltak 4:19

Ahi zongin Peter le Johan in, “Noteʼ thu man zawk ding le Pasianʼ thu man zawk ding, Pasianʼ muhna panin koi pen man zaw ding cih thu nomau mah in zong ngaihsun ciat un.

Sawltak 4:29

Tua ahih ciangin Topa aw, amaute in kote hong tawnnate thei inla, nangma nasem kote in lungsim han mahmahna tawh nangma thu ka gen theih nadingun hong huh in.

Sawltak 4:31

Tua bangin thu a nget khit uh ciangin amauteʼ kikhopna mun hong kiliing gawp hi. Amaute khempeuh Kha Siangtho tawh kidim uh a, hang takin Pasianʼ thu gen ding a kipan uh hi.

Sawltak 9:27

Tua ciangin Barnabas in Saul hong huh a, sawltakte kiangah Saul a va paipih hi. Lam a pai laitakin Saul in Topa a muhna thu, Topa in Saul kiangah a thugennate le Damaskas khua ah Saul in hang takin Jesuʼ min tawh thu a hilhnate khempeuh sawltakte kiangah a gensak hi.

Sawltak 9:28

Tua ahih manin Saul zong sawltakte tawh kikhawl a, Jerusalem khua sungah vak kawikawi-in, Topaʼ min tawh hang takin thu a hilh hi.

1 KORIN MASA 14:25

A lungsim sung uh ah a ipcipte uh kipholak dinga, khukdinin Pasian bia-in, “Hih mite lakah Pasian om taktak hi,” ci ding uh hi.

2 KORIN NIHNA 3:12

Hih bang lametna nei ka hih manun hang takin a om ka hi uh hi.