Sawltak 4:10 - Tedim Bible Revision 2017

¹⁰ note in singlamteh tungah na thah uh, Pasian in sihna panin a thawhkiksak Nazareth khuami Jesu Khris min vangliatna tawh hih mipa a ci damin hih lai ah ding ahihna thu, note le Israel mi khempeuh in na theih dingun a kilawm thu khat ahi hi.

Tedim Bible

¹⁰ note in singlamteh tungah na thah khit uh ciangin, Pasian in sihna pan a thawhkik sak Nazareth mi Zeisu’ min tawh hih pa in note mai-ah cidamin a ding hi cih, note akipan Israel mi khempeuh in thei ta un.

Sawltak 4:10 Referans Kwoze

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesu Khris min tawh, dingin lam na pai nadingin thu kong pia hi,” a cih khit ciangin,

Sawltak 2:36

“Tua ahih ciangin singlamteh tungah na thah uh hih Jesu pen Pasian in Topa le Khris in a bawl khitna thu, Israel mi khempeuh in teltakin thei ta un,” a ci hi.

Sawltak 28:28

Tua ciangin Paul in, “Tua ahihleh tu-in Gentail mite tungah Pasianʼ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

Daniel 3:18

Kumpipa aw, a hong hotkhiat kei zenzen leh zong, na pasian lah ka bia tuan kei ding uh a, na kham milim mai ah zong ka kun kei ding uh hi, ci-in thei ta in,” a ci uh hi.

ROM (Romans) 1:4

Kha Siangtho thu lamsang ah ci lehang misite lak panin vangliatna tawh a thawhsakkikna hangin Pasianʼ Tapa ahihna thu Pasian in a kilangsak hi.

Mattiu 2:23

Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Sawltak 2:32

Pasian in sihna panin hih Jesu hingkiksak a, kote khempeuh pen hih thu a thei teci vive ka hi uh hi.

Luka 18:37

Mite in, “Nazareth khuami Jesu hong pai hi,” a na ci uh hi.