Sawltak 4:1 - Tedim Bible Revision 2017

¹ Peter le Johan om khawmin, tua bangin Peter in mite kiangah thu a gen laitakin siampite, biakinn upate le Saddusi mite hong pai uh hi.

Tedim Bible

¹ Piter leh Johan in mihonpite kiangah thu a gen lai takun biakna innpi ukpa akipan siampite leh Saddusi mite hong pai uh a,

Sawltak 4:1 Referans Kwoze

Luka 22:4

Tua ahih manin Judas va paikhia a, siampi liante le biakinn cing palik maangte tawh va kiho uh a, amauteʼ khut sungah Jesu a piak theih nading zia a kikum uh hi.

Sawltak 6:12

Amaute in hih bangin zuauna tawh mihonte, upate le Thukham hilh siate a holhthawh uh hi. Tua ahih manin amaute hong pai-in Stefen man uh a, uliante mai ah a hong paipih uh hi.

Sawltak 5:26

Tua ciangin biakinn ukpa le a mite va pai-in sawltakte hong paipihkik uh hi. Mihonte in suang tawh amaute a den gawp khak ding lau uh ahih manin sawltakte ngongbawl loin thudam tawh a paipih uh hi.

Sawltak 5:24

Biakinn ukpa le siampi liante in hih thu a zak uh ciangin hih sawltakte a bangci thu hi ding hiam, ci-in lamdang a sa mahmah uh hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasianʼ hehna panin na suahtak theih nading uh kua in hong hilh khol ahi hiam?

Sawltak 4:6

Siampi lianpen a sem ngei Annas, siampi lianpen a sem Kaiafas, Johan, Alexander le siampi lian pente beh mi khempeuh tawh kikhopna khat a bawl uh hi.

Johan 18:3

Tua ahih manin Judas zong, siampi liante le Farisi mite in a sawl galkap hon khat le biakinn cing palik pawl khat tawh hiam tawi-in lalcin leh meilah de-in tua huanah a hong pai uh hi.

Johan 15:20

‘Sila pen a topa sangin lian zaw lo hi,’ ci-in ka hong thugenna phawk un. Amaute in kei hong bawlsiat uh leh note zong hong bawlsia ding hi. Ka thugente hong zuih uh leh noteʼ thugente zong hong zui ding hi.

Mattiu 27:41

Tua bangmahin siampi liante in Thukham hilh siate le upate tawh zahko-in,

Mattiu 27:20

Barabbas khahin Jesu a thah nadingin Pilat kiangah a nget nadingun siampi liante le upate in mihonte a hanthawn uh hi.

Mattiu 22:16

Amauʼ nungzuite le Herod mi pawl khat, Jesu kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtak tuam nei lo na hih manin midangteʼ pau ding bangmah phamawh sa loin Pasian in miteʼ gamtat ding a deihna bangin tangtakin thu na hilh tawntung hi.

Mattiu 16:12

Tua bangin thu a gen ciangin anlum a kisawh silngo thu a gen hi loin, Farisi-te le Saddusi-teʼ thuhilhna a gen ahih lam a phawk pan uh hi.

Sawltak 6:7

Tua bangin Pasianʼ thu kizelin hong khang semsem hi. Jerusalem khua sungah thu um mi tampi tak hong kibehlap a, siampi tampi tak in zong Lungdamna Thu a hong um uh hi.

Luka 20:1

Ni khat, Jesu in biakinn tual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate le upate hong pai khawm uh a,

Sawltak 5:17

Tua ciangin siampi lianpen pa le amah tawh a kipawl tua lai-a Saddusi mite in sawltakte haza-in thangpai uh ahih manin thu bawl ding a ngaihsun uh hi.