Sawltak 3:24 - Tedim Bible Revision 2017

²⁴ Samuel a kipan ama nung a hong piang kamsang khempeuh in tu laitak a thupiangte mah gen khol ciat uh hi.

Tedim Bible

²⁴ Samuel pan akipan Pasian’ kamsangte khempeuh leh a nung cianga hong piangte in a gen khempeuhte in, hih nite thu a genkhol zo uh hi.

Sawltak 3:24 Referans Kwoze

Sawltak 3:21

Pasian in ama kamsang mi siangthote tungtawnin tanglai-in a gen kholh sa bangin, na khempeuh a thakin a kibawl hun dong mateng vantungah Jesu a om ding ahi hi.

Luka 24:27

Tua ciangin Jesu in Lai Siangtho sungah ama thu a kigennate khempeuh, Moses laibu a kipanin kamsangteʼ laibu khempeuh a khiatna a gen hi.

1 SAMUEL MASA 3:20

Tua ciangin Dan le Beer-sheba kikal a om Israel-te khempeuh in Topaʼ kamsangin Samuel a kikipsakna thei uh hi.

Late 99:6

Moses le Aaron ama siampi hi uh a, amah a biate lakah Samuel zong a kihel hi. Topaʼ tungah amaute kiko uh a, amah in amaute a dawng hi.

ROM (Romans) 3:21

Ahi zongin tu-in thukham zuihna hang hi loin thudang khat hangin Pasian tawh kipawl theih nading lampi hong kilang zo a, Thukham le kamsangte in zong hih thu ah teci a pang uh hi.

Sawltak 13:20

“Tua khit ciangin kamsang Samuel hun ciang dong amauteʼ vai a hawm dingin ukpite a pia hi.

1 SAMUEL MASA 3:1

Tu-in Eliʼ khutnuai ah naupang Samuel in Topaʼ na sem hi. Tua hun lai-in Topa in thu gen mun lo a, maang mu om mun lo hi.

1 SAMUEL MASA 2:18

Samuel pen saihadial siampi puan silhin Topaʼ mai ah na a sem naupang khat ahi hi.

Sawltak 3:19

Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai ah hong dingin hong thum uh zongin hih mite ka hehpih tuan kei ding hi. Ka muhna panin hawl khia unla, pai khiasak un.

Sawltak 17:3

Khris in sihna thuakin, sihna panin a thawhkik ding a kisam ahi hi, ci-in a laktel hi. Tu-a note kiangah kong pulak Khris pen Lai Siangtho sunga kigen Khris ahi hi, ci-in Paul in a gen hi.

Sawltak 26:23

Tua thu in: Khris pen sihna thuakin a hingkik masa pa hi dinga, Jew mite le Gentail mite tungah hotkhiatna khuavak thu a hong gen pa hi ding hi, cihna thu ahi hi,” a ci hi.