Sawltak 3:19 - Tedim Bible Revision 2017

^19-20 Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

Tedim Bible

^19-20 Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Sawltak 3:19 Referans Kwoze

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesu Khris min tawh tui kiphum ciat un. Tua hileh Pasianʼ piakkhong Kha Siangtho na ngah ding uh hi.

Isaiah 44:22

Na thupalsatnate meiipi bangin na khialhnate meii lum bangin ka phiat khia khinzo hi. Hong hon khia khin ka hih manin kei kiangah hong ciahkik in.

Isaiah 43:25

Na thupalsatnate hong paih khiatsak pa pen keimah ka hi a, kei ka hih manin na khialhnate ka ciamteh kei ding hi.

Mattiu 18:3

“A man mahmah in note kiangah kong genin ah: Note kikheelin naupang na bat kei uh leh vantung ki-ukna sungah na lut ngei kei ding uh hi.

Mattiu 13:15

Hih miteʼ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel dinga, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Late 51:9

Ka mawhna khempeuh na mai panin seel inla, ka khialhna khempeuh hong phiatkhiatsak in.

2 THESALONIKA NIHNA 1:7

tu-a gimna a thuak note le kote tungah zong nopsakna hong pia ding hi. Vantung panin Topa Jesu le a vanglian a vantung mite, meikuang tawh hong kilat ciangin,

Kah la 3:40

I gamtatna sate limtakin ki-enphakikin Topaʼ lamah kiheikik ni.

Sawltak 11:21

Topa in nakpi takin amaute huh ahih manin mi tampi in thu umin Topa lamah a kihei uh hi.

2 PETER NIHNA 3:8

Ahi zongin ka itte aw, na mangngilh loh ding uh ka deih thu in: Topa adingin ni khat le kum khat, kum tul khat le ni khat a kilamdan luatna om lo hi.

1 PETER MASA 2:25

Note, tuu bangin a gammang na hi uh a, ahi zongin noteʼ kha nuntakna hong Cingin hong Kem pa a zui dingin a hong kiciahpihkik khin na hi uh hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Luka 1:16

Amah in Israel mi tampi tak, amauʼ Topa Pasianʼ kiangah tunpihkik ding hi.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Daniel 9:13

Mosesʼ thukham sunga kigen gimna khempeuh ka thuak uh hi. Topa Pasian aw, tu nangawnin zong nang kong lungdamsakna ding uh hanciam loin, na thuman ka zuih theih nadingun mawhna ka kisik kei uh hi.

ROM (Romans) 11:25

Sanggamte aw, note in na theih dingun ka deih thusim khat om hi. Thei le-uhcin, “A pil mahmah hi hang,” na kici nawn kei pah ding uh hi. Tua thu in: Israel mite in a up nop lohna pen a tawntung ding thu hi lo hi. Pasian kiangah Gentail mite a pai ding zah in Pasian a zuat hun ciang dong ding bek ahi hi.

Sawltak 17:26

Mihing khat tung panin leitung minam khempeuh hong piangsakin, leitung khempeuh ah a omsak hi. Amah in mihingte a piansak ma pekin, mihingteʼ nuntak tanvei ding le a ten nading uh mun a seh sa ahi hi.

Sawltak 15:3

Amaute a pai uh ciangin pawlpi mite in khua nawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Sawltak 3:21

Pasian in ama kamsang mi siangthote tungtawnin tanglai-in a gen kholh sa bangin, na khempeuh a thakin a kibawl hun dong mateng vantungah Jesu a om ding ahi hi.

Sawltak 1:6

Tua bangin Jesu tawh a om khawm laitakun sawltakte in Jesu kiangah, “Topa aw, tutungin Israel minamte tungah ukna aana na piakik ding hiam?” ci-in a dot uh ciangin

Joel 2:13

Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Kah la 5:21

Topa aw, kote hong kaikhawmkik in! Hong kaikhawmkik in! A beisa sau veipi lai mah bangin hong thaksuaksakkik in.

Jeremiah 50:20

Tua ni hun ciangin, Topa in kong cih in ah, Israel gamah khialhna kizong dinga, a kimu kei ding hi. Judah gamah mawhna kizong dinga, a kimu tuan kei ding hi. Bang hang hiam cih leh ka nuntaksak, ka nusiat lai mite a mawhna uh ka maisak ding hi.

Isaiah 61:9

Amauʼ suanlekhakte pen minamte lakah kithei dinga, amauʼ tuletate pen mite laizang ah kithei ding hi. Amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Isaiah 51:11

Topa’ mi a kithehthangte hong ciahkik dinga, lasakna tawh Zion ah hong pai ding uh hi. A tawntungin amaute lungdam ding uh a, amaute in lungdamna le kipakna ngahin, dahna le khuisatna nei nawn lo ding uh hi.

Isaiah 6:10

Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theih tel loh nading, amaute kihei-in damna a ngah loh nadingun hih miteʼ lungsim mawlsak inla, amauʼ bil uh ngongsak inla, a mit uh va sisak in,” hong ci hi.

Late 103:12

Nisuahna pen nitumna panin a gamlat mah bangin i mawhna hangin gimnate eiteʼ kiang panin gamlapi ah a nil khia hi.

Late 51:13

Tua ciangin thupalsatte na zia na tong ka hilh dinga, nangma lamah mimawhte hong kiheikik ding uh hi.

Mangmuhna 21:4

Amauteʼ mit panin khitui khempeuh nulsak ding hi. Thu lui sate maimang khinta ahih manin sihna, dahna le na sa a kahna cihte om nawn lo ding hi,” a ci hi.

2 TIMOTI NIHNA 2:25

thunem tawh a langteʼ hoih lohna a puah theite hi ding hi. Tua bang hileh Pasian in amaute kisiksak thei dinga, thuman thutak hong thei-in,

Jeremiah 36:3

Judah mite in amauʼ tungah tunsak dingin ka ngaihsut siatna khempeuh za-in, mi khempeuh in a siatna uh panin kiheina-in nei kha thei ding uh a, keimah in zong amauʼ khialhna le amauʼ mawhnate ka maisak thei kha ding hi,” a hong ci hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Hebru 4:1

Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lut lah na suahkhak loh nadingun lau-in kidawm ni.

Luka 22:57

Ahi zongin Peter in, “Ka nau aw, amah ka thei kei hi,” ci-in a nial hi.