Sawltak 3:14 - Tedim Bible Revision 2017

¹⁴ Amah mihoih mi siangtho hi napi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Tedim Bible

¹⁴ Note in Mi Pha Mi Siangtho na nial uh a, mi thatpa khah nadingin na ngen uh a,

Sawltak 3:14 Referans Kwoze

Marka 1:24

“Nazareth khuami Jesu aw, kote tawh nang bang kisai ihi hiam? Kote a susia dingin hih lai ah hong om na hi hiam? Pasianʼ mi siangtho na hih lam kong thei hi,” ci-in a kiko hi.

Sawltak 7:52

I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.

Jeim 5:6

A thuman mite mawhsakin na that uh a, amaute in na thu uh hong nial zo lo uh hi.

Sawltak 22:14

Tua ciangin amah in, ‘I pu i pateʼ Pasian in ama deihna a thei ding, a thuman a Nasem pa a mu ding le ama kam mahmah tawh a thugen a za dingin nang hong teel khinzo hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Mangmuhna 3:7

“Filadelfia khua pawlpi vantungmi kiangah lai gelh inla, Davidʼ tawhtang kemin, ama hon sa kong kuamah in a khak zawh loh, ama khak sa kong kuamah in a hon zawh loh, a thuman a siangtho paʼ thugen in:

1 JOHAN MASA 2:1

Ka itte aw, note na khialh khak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite adingin Pa Pasian kiangah a hong thumsak dingin a thuman Jesu Khris i nei hi.

2 KORIN NIHNA 5:21

Khris tawh i kipawlna hangin eite zong Pasian tawh a kibangin midik i suah theih nadingin mawhna a nei lo Khris pen eiteʼ tang dingin Pasian in mawhnei mi a suaksak hi.

Sawltak 2:27

Bang hang hiam cih leh misiteʼ gamah kei nong nusiacip kei dinga, na nasem keimah muatna nong thuaksak kei ding hi.

Luka 23:25

Mi buaisakna le mi thahna hangin thong sungah a kikhia mipa amauʼ ngetna bangin khah a, amauʼ deihna bangin a bawl dingun Jesu a pia khia hi.

Luka 1:35

Vantungmi in, “Nangma tungah Kha Siangtho hong tung dinga, nangma tungah Pasianʼ vangliatna hong om ding hi. Tua ahih manin a hong suak ding a siangtho naungek pen Pasianʼ Tapa kici ding hi.

Marka 15:11

Ahi zongin Barabbas hong khahsak zaw in, ci-in mihonte in a nget nadingun siampite in mihonte a hanthawn uh hi.

Marka 15:7

Kumpi a lehdo laitakun mi a that, thong sunga kikhumte lakah Barabbas a kici mi khat zong kihel hi.

Late 16:10

Bang hang hiam cih leh Leinuai nong zuansak kei a, na mihoih pa Leihawmpi na musak kei hi.

Mattiu 27:20

Barabbas khahin Jesu a thah nadingin Pilat kiangah a nget nadingun siampi liante le upate in mihonte a hanthawn uh hi.

Johan 16:10

Pa kiangah pai ding ka hih manin kei na hong mu nawn kei ding uh hi, ka cihna thu a manna lak dinga,

Johan 18:40

amaute awng gawpin, “Hih mipa khah kei in! Barabbas hong khah in!” ci-in a dawng uh hi. (Barabbas pen mi suamin thong kia khat ahi hi.)

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.

Sawltak 13:28

Amaute in Jesu in sihna a thuak nadingin thukhenna a ngah nading thu mu zo lo napi uh, Pilat in thah nading thu a piak nadingin na ngen teitei uh hi.